மீண்டும் கலகலப்பான சூழலுக்கு திரும்பிய சீனிவாசன்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

மீண்டும் கலகலப்பான சூழலுக்கு திரும்பிய சீனிவாசன்

05 நவ, 2022 - 12:19 IST

எழுத்தின் அளவு:

மலையாள திரையுலகில் கடந்த 35 ஆண்டுகளுக்கு மேலாக நடிகர், இயக்குனர், கதாசிரியர், தயாரிப்பாளர் என பன்முகம் கொண்டவராக ரசிகர்களை மகிழ்வித்து வருபவர் நடிகர் சீனிவாசன். இவர் இயக்குனர் வினித் சீனிவாசனின் தந்தையும் கூட. கடந்த சில மாதங்களாகவே நடிகர் சீனிவாசன் உடல்நலம் பாதிக்கப்பட்டு மருத்துவமனையில் சிகிச்சை எடுத்துக் கொண்டார். அதன்பிறகு படங்களில் நடிப்பதை குறைத்துக் கொண்டு ஓய்வு எடுத்து வருகிறார்.

சமீபத்தில் வெளியான இவரது புகைப்படம் ஒன்று, எப்படி இருந்த மனிதர் இப்படி ஆகிவிட்டாரே என்று அவரது தோற்றம் ரசிகர்களை அதிர்ச்சிக்குள்ளாக்கும் விதமாக இருந்தது. அதேசமயம் அவரது மகன் வினீத் சீனிவாசன் விரைவில் தன் தந்தை புதிய படம் ஒன்றில் நடிக்க உள்ளார். நீங்கள் மீண்டும் அவரை பழைய சீனிவாசன் ஆக பார்க்கலாம் என்று கூறியிருந்தார்.

இந்த நிலையில் நயன்தாரா, நிவின்பாலி நடிப்பில் வெளியான லவ் ஆக்சன் ட்ராமா மற்றும் வினித் சீனிவாசன் இயக்கத்தில் வெளியான ஹிருதயம் ஆகிய படங்களை தயாரித்த தயாரிப்பாளர் வைசாக் சுப்பிரமணியம் என்பவரது திருமண நிகழ்வில் சீனிவாசன் கலந்து கொண்டார்.

இந்த நிகழ்வில் அவர் பழையபடி உற்சாகத்துடன் அனைவரிடமும் கலகலப்பாக பேசியது திருமண விழாவிற்கு வந்திருந்த அனைவரையும் ஆச்சரியப்படுத்தியது. இதுகுறித்த புகைப்படங்கள் சோசியல் மீடியாவில் தற்போது வெளியாகி அவரது ரசிகர்களையும் மகிழ்ச்சியில் ஆழ்த்தியிருக்கிறது. இந்த நிகழ்வில் மோகன்லால் நடிகை, கீர்த்தி சுரேஷின் தந்தை ஆகியோர் சிறப்பு விருந்தினர்களாக கலந்து கொண்டனர்.

Srinivasan

Actorsrinivasan

கருத்துகள் (0) கருத்தைப் பதிவு செய்ய

மலையாள நடிகர் கேலு மூப்பன் காலமானார்

பவன் கல்யாணை பின்தொடரும் மர்ம ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய