Dinamalar

தீபாவளிக்கு திரைக்கு வரும் மான்ஸ்டர்

கடந்த சில வருடங்களுக்கு முன்பு மோகன்லால் நடிப்பில் மலையாளத்தில் வெளியாகி மிகப்பெரிய வெற்றியை பெற்ற படம் 'புலிமுருகன்'. இந்த படத்தின் வெற்றியை தொடர்ந்து மோகன்லாலும் இயக்குனர் வைசாக்கும் கதாசிரியர் உதயகிருஷ்ணாவும் மீண்டும் இணைந்துள்ள படம் மான்ஸ்டர். இந்த படத்தில் சிங் கதாபாத்திரத்தில் நடித்துள்ளார் மோகன்லால். ஏற்கனவே கடந்த இரண்டு வருடங்களில் கொரோனா தாக்கம் காரணமாக மோகன்லாலின் படங்கள் ஓடிடியிலும், தியேட்டரிலும் மாறிமாறி வெளியாகி வருகின்றன. தியேட்டரில் வெளியான அவரது படங்கள் பெரிய வரவேற்பு பெறவில்லை. அதேசமயம் ஓடிடியில் வெளியான அவரது படங்கள் பெரிய அளவில் ஹிட்டாகின.

அதனால் மான்ஸ்டர் படத்தையும் ஓடிடியில் வெளியிடலாம் என்கிற பேச்சு ஆரம்பத்தில் இருந்தது. ஆனால் மான்ஸ்டர் படத்திற்கு ரசிகர்களிடம் மிகப்பெரிய எதிர்பார்ப்பு இருப்பதாலும், ஓடிடியில் வெளியிட விநியோகஸ்தர்கள் மற்றும் தியேட்டர் அதிபர்கள் தரப்பில் இருந்து எதிர்ப்புகள் எழுந்ததாலும் இந்த படத்தை தியேட்டர்களில் வெளியிட முடிவு செய்தனர். அதன்படி செப்டம்பர் 30ஆம் தேதி இந்தப் படம் வெளியாகும் என முதலில் சொல்லப்பட்டு வந்தது.

ஆனால் அந்த சமயத்தில்தான் பொன்னியின் செல்வன், நானே வருவேன் ஆகிய படங்கள் வெளியாக இருக்கின்றன. இதனால் தற்போது ரிலீஸ் தேதியை மாற்றி தீபாவளி அன்று மான்ஸ்டர் படத்தை வெளியிடுவதற்கு முடிவு செய்துள்ளனர் படக்குழுவினர். இதற்காக தியேட்டர்கள் ஒப்பந்தம் செய்யும் பணிகள் துவங்கப்பட்டு உள்ளதாக மலையாள திரையுலக விநியோகஸ்தர்கள் வட்டாரத்தில் ஒரு தகவல் வெளியாகி உள்ளது..

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி

• 
  துபாயில் சிக்கி தவிக்கும் அண்ணன்; ஹைதராபாத்தில் 3வது திருமண விழா நிகழ்வை ...
• 
  திலீப் படத்தை இயக்குகிறேனா? 'மஞ்சும்மேல் பாய்ஸ்' இயக்குனர் மறுப்பு
• 
  கஞ்சா பயன்படுத்தியதாக மலையாள நடிகரின் மகன் கைது ; தந்தையின் நம்பிக்கையை ...
• 
  கேரள அரசு பஸ் புரமோஷனுக்காக 100வது படத்திற்கு முன்பே மோகன்லாலை இயக்கிய ...
• 
  தேர்தல் நெருங்கும் வேளையில் முதல்வரை நேர்காணல் செய்த மோகன்லால்