Dinamalar

சென்சார் அதிகாரிகளை பிரமிக்க வைத்த டொவினோ - கல்யாணி படம்

மலையாளத்தில் டொவினோ தாமஸ், கல்யாணி பிரியதர்ஷன் இருவரும் முதன்முறையாக ஜோடி சேர்ந்து நடித்துள்ள படம் 'தள்ளுமால'. இந்த படம் தொடர்பாக இதுவரை வெளியான போஸ்டர்களும் பாடல்களும் கலர்புல்லாகவும் பார்ப்பதற்கே வித்தியாசமானதாகவும் வெளியாகி ரசிகர்களை கவர்ந்துள்ளன. இந்த படத்தை காலித் ரகுமான் என்பவர் இயக்கியுள்ளார். இவர் இதற்கு முன்னதாக மம்முட்டி நடித்த 'தி கிரேட் பாதர்' என்கிற படத்திற்கு கதை எழுதியதுடன் மம்முட்டி நடித்த உண்ட என்கிற வித்தியாசமான படத்தையும் இயக்கி அவற்றின் தனித்துவமான கதை உருவாக்கத்திற்காகவே ரசிகர்களிடம் வரவேற்பு பெற்றார்.

இந்த நிலையில் அவர் இயக்கியுள்ள படம் தான் 'தள்ளுமால'. வரும் ஆகஸ்ட் 12ம் தேதி இந்த படம் வெளியாக உள்ள நிலையில் சமீபத்தில் இந்த படம் சென்சார் சான்றிதழுக்காக அதிகாரிகளுக்கு திரையிட்டு காட்டப்பட்டது. படத்தைப் பார்த்த சென்சார் அதிகாரிகள் இந்த படத்தின் மேக்கிங்கை பார்த்து பிரமித்து போனதாகவும் மலையாள சினிமாவில் இதுவரை இந்த வகையில் ஒரு படம் வந்ததில்லை என்றும் கருத்து தெரிவித்துள்ளதாக தற்போது சோசியல் மீடியாவில் ஒரு தகவல் வைரலாக பரவி வருகிறது. குறிப்பாக இந்த படத்தின் சண்டைக் காட்சிகள் ரசிகர்களுக்கு சிலிர்ப்பூட்டும் என சென்சார் அதிகாரிகள் கூறியுள்ளார்களாம்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தி கேர்ள் ப்ரண்ட் ஹீரோவின் கன்னட பட ரிலீஸ் தேதி ஒரு வாரம் தள்ளி வைப்பு
• 
  தள்ளிப்போன மம்முட்டியின் களம்காவல் ரிலீஸ்
• 
  கிறிஸ்துமஸ் பண்டிகையில் வெளியாகும் 'சர்வம் மாயா'
• 
  பட விளம்பர மோசடி ; பெண் உள்ளிட்ட ஐவர் மீது நடிகர் யஷ்ஷின் தாயார் போலீசில் ...
• 
  மோகன்லால் மம்முட்டி படங்களை பயன்படுத்தியதால் 2 வருட தடை விதித்தனர் ; ...