Dinamalar

நடிகர் மீதான பாலியல் புகார் ; ராஜினமா கடிதம் அனுப்பிய நடிகை

மலையாள திரையுலகில் சிறந்த குணச்சித்திர நடிகையாக வலம் வருபவர் மாலா பார்வதி.. தமிழில் 'இது என்ன மாயம்' மற்றும் 'நிமிர்' உள்ளிட்ட சில படங்களில் நடித்துள்ளார். மலையாள நடிகர் சங்கமான அம்மாவில் புகார் பிரிவில் முக்கிய பொறுப்பு வகித்து வந்தார் மாலா பார்வதி. இந்த நிலையில் அந்த பொறுப்பில் இருந்து தான் விலகிக் கொள்வதாக நடிகர் சங்க செயலருக்கு ராஜினாமா கடிதம் எழுதி அனுப்பி உள்ளார் மாலா பார்வதி.

கடந்த சில நாட்களாக தயாரிப்பாளரும், நடிகருமான விஜய்பாபு மீது இரண்டு பெண்கள் அடுத்தடுத்து பாலியல் ரீதியான குற்றச்சாட்டுகள் கூறி போலீஸில் புகார் அளித்தது மலையாள திரையுலகில் பரபரப்பை ஏற்படுத்தியது. விஜய்பாபுவை போலீசார் தேடி வரும் நிலையில் மலையாள நடிகர் சங்கத்தில் இருந்து அவரை நீக்க வேண்டும் என சினிமா பெண்கள் நல அமைப்பைச் சேர்ந்த நடிகைகளும் மற்றும் சிலரும் குரல் கொடுத்து வருகின்றனர்.

ஆனால் தற்போது விஜய்பாபு தானாகவே முன்வந்து நடிகர் சங்க உறுப்பினர் பதவியிலிருந்து விலகிக் கொள்கிறேன், என்றும் தன் மீது உள்ள குற்றச்சாட்டு பொய் என நிரூபித்து விட்டு அதன்பிறகு மீண்டும் சங்கத்தில் இணைந்து கொள்கிறேன் என்றும் தனது ராஜினாமா கடிதத்தை மின்னஞ்சலில் அனுப்பி உள்ளார். ஆனால் அப்படி அவர் அனுப்புவதற்கு முன்னதாகவே நடிகர் சங்கம் தலையிட்டு அவர்மீது நடவடிக்கை எடுக்கவில்லை என்கிற விரக்தியில் தான் தனது ராஜினாமாவை அனுப்பி வைத்துள்ளார் மாலா பார்வதி.

இதுபற்றி அவர் கூறும்போது, “நடிகர் சங்கத்தில் புகார் பிரிவில் என்னை நியமித்தபோது உறுப்பினராக இருப்பவர்களுக்கு ஏதேனும் ஒரு பிரச்சனை என்றால் நம்மால் நியாயமான முறையில் தீர்வு காணமுடியும் என சந்தோஷத்துடன் இதில் பொறுப்பேற்றேன். ஆனால் தற்போது தன்னிச்சையாக முடிவுகளை எடுப்பதற்கு இங்கே நடைமுறை சிக்கல்கள் நிறைய இருக்கின்றன என்பதால் இதிலிருந்து நான் வெளியேறுகிறேன்” எனக் கூறியுள்ளார் மாலா பார்வதி.

கடந்த சில வருடங்களுக்கு முன்பு மாலா பார்வதியின் மகன் ஒப்பனைக் கலைஞரை பாலியல் ரீதியாக ஏமாற்றியதாக குற்றச்சாட்டுக்கு ஆளானபோது அதுபற்றி விசாரித்து அது உண்மை என தெரிந்ததும் சம்பந்தப்பட்ட பெண்ணிடமே தன் மகன் மீது போலீசில் புகார் கொடுக்கும்படி கூறியவர் தான் இந்த மாலா பார்வதி என்பது இங்கே குறிப்பிடத்தக்கது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை
• 
  பரிசு அறிவிப்பதில் நடந்த குளறுபடி : மேடையில் கண்ணீர் விட்டு அழுத நடிகை