Dinamalar

ஆலியா பட் பட டீசர் : ரசிகர்கள் கிண்டல்

சஞ்சய் லீலா பன்சாலி இயக்கத்தில், ஆலியா பட் முதன்மைக் கதாபாத்திரத்தில் நடிக்கும் படம் 'கங்குபாய் கத்தியவாடி'. இப்படத்தின் டீசர் சில தினங்களுக்கு முன்பு யு டியூபில் வெளியானது.

டீசர் பற்றி பல்வேறு விதமான விமர்சனங்கள் வந்தாலும் அதற்குள் 25 மில்லியன் பார்வைகளைக் கடந்துள்ளது. ஹுசைன் சைதி எழுதிய 'மாபியா குயின்ஸ் ஆப் மும்பை' என்ற புத்தகத்தைத் தழுவி எடுக்கப்படும் இக்கதையில் மும்பையின் சிவப்பு விளக்குப் பகுதியான காமாத்திபுராவை கதைக்களமாகக் கொண்டு எடுக்கப்பட்டுள்ள படம்.

விபச்சாரத் தொழில் செய்யும் பெண்ணாக இருந்து பெண்களின் அதிகாரத்திற்காகக் குரல் கொடுக்கும் கதாபாத்திரத்தில் ஆலியா பட் நடித்துள்ளார். ஆனால், டீசரில் ஆலியாவிற்கு எதிராக பல கிண்டலான கமெண்ட்டுகள் பதிவாகியுள்ளன. “வித்யாபாலன் இந்தக் கதாபாத்திரத்தில் நடித்திருந்தால், இன்னும் சிறப்பாக நடித்திருப்பார், “ஆலியா இக்கதாபாத்திரத்தில் பொருத்தமாக இல்லை, குழந்தையைப் போல இருக்கிறார், “எந்தத் தோற்றத்தில் நடிக்க வைத்தாலும் ஆலியா ஸ்கூல் நிகழ்ச்சிகளில் நடிக்கும் குழந்தையைப் போலவே இருக்கிறார், “ஒரு விளம்பரத்தில் குழந்தைகள், பெரியவர்களைப் போன்று நடிப்பார்கள், அது போல இருக்கிறது இது என்று ஒருவர் இன்ஸ்டாகிராமில் கமெண்ட் செய்துள்ளார்..” என்பது போன்ற விதவிதமான கிண்டல் கமெண்ட்டுகள்தான் யு டியூபில் ஆக்கிரமித்துள்ளன.

மேலும், ரசிகர்களின் கமெண்ட்டுகளை டீசரை வெளியிட்டவர்கள் நீக்குவதாகவும் ஒருவர் குற்றம் சாட்டியுள்ளார். பெரும்பாலானோர் வித்யா பாலன்தான் இக்கதாபாத்திரத்தில் நடிக்கப் பொருத்தமானவர் என்று தெரிவித்துள்ளார்கள்.

• 
  பெத்தி படத்தின் டப்பிங் பணிகளை துவங்கிய ராம் சரண்
• 
  அதிர்ஷ்டசாலி படத்திற்கு அதிர்ஷ்டம்
• 
  கடைசி நிமிடங்களில் கத்தாரில் இருந்து தப்பிய சந்தோஷ் நாராயணன்
• 
  கிராமத்து கோவிலில் சிறப்பு பூஜை நடத்திய விஜய் தேவரகொண்டா, ராஷ்மிகா
• 
  தயாரிப்பு நிறுவனம் தொடங்கிய ரியோ ராஜ்

• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி
• 
  துரந்தர் 2 படத்தின் முதல் விமர்சனத்தை வெளியிட்ட யாமி கவுதம்
• 
  தென்னிந்திய இயக்குனரை தேடும் ஹிருத்திக் ரோஷன்