போஜ்புரி நடிகை தற்கொலை : இறப்புக்கு முன் வெளியிட்ட பதிவு | செப்டம்பர் 27ல் திரைக்கு வரும் அமரன் | புத்திகெட்டு திரிந்தால்தான் புத்தி வரும் : செல்வராகவன் | தக்லைப் படத்தில் இணைந்த இரண்டு பாலிவுட் நடிகர்கள் | இளையராஜா பற்றி இனி பேசினால் நடப்பதே வேறு : வைரமுத்துவை எச்சரித்த கங்கை அமரன் | ஆன்மிகப் பயணத்தால் மாறிய வாழ்க்கை : ரம்யா பாண்டியன் வெளியிட்ட பதிவு | அஜித் படத்தில் இணையும் இளம் நடிகை | மே 17ல் ரிலீஸ் ஆகும் எலக்சன் படம் | ஆளைக் கொல்லும் நடிப்பு : பஹத் பாசிலுக்கு நயன்தாரா பாராட்டு | துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத் |
பாலிவுட் சூப்பர் ஸ்டார், அமிதாப் பச்சனுக்கு, பிறந்த நாள் பரிசாக, பிரிட்டனை சேர்ந்த தொண்டு நிறுவனம், நடமாடும் நீரிழிவு சோதனை மையத்தை அன்பளிப்பாக அளிக்கிறது. இந்தி நடிகர் அமிதாப் பச்சன், இன்று(11.10.12) 70வது பிறந்த நாளை கொண்டாடுகிறார். இதையொட்டி, பிரிட்டன் அமைச்சர், கெய்த் வாஸ் நிறுவிய, "சில்வர் ஸ்டார் தொண்டு நிறுவனத்தின் சார்பில், நடமாடும் நீரிழிவு பரிசோதனை மையம், அன்பளிப்பாக வழங்கப்படுகிறது.
மும்பையில் உள்ள "செவன் ஹில்ஸ் மருத்துவமனையில், பிரிட்டன் தூதரிடமிருந்து, நடமாடும் நீரிழிவு சோதனை மையத்தை அமிதாப் பச்சன் பெற்றுக் கொள்வார். இதன் மூலம், லண்டன், லீசெஸ்டர், கோவா போன்ற நகரங்களுக்கு அடுத்த படியாக, மும்பையில், "நடமாடும் நீரிழிவு சோதனை மையம் செயல்பட உள்ளது குறிப்பிடத்தக்கது. இந்த நடமாடும் நீரிழிவு மையத்தில், ஒரு நர்ஸ், ஒரு கண் பரிசோதகர், மற்றும் ஒரு பொது மருத்துவர் இருப்பர். இவர்கள் மக்களை பரிசோதித்து, அவர்களுக்கு நீரிழிவு நோய் இருக்கிறதா, இல்லையா என்பதை சொல்வர். மேலும், நீரிழிவு நோய் வராமல் இருக்க மேற்கொள்ள வேண்டிய நடவடிக்கைகள் குறித்தும் அவர்கள் அறிவுரை வழங்குவர். இந்த சேவையினை மும்பையில் செயல்படுத்தும் பொறுப்பை, "செவன் ஹில்ஸ் மருத்துவமனையே ஏற்றுக் கொண்டுள்ளது. சில்வர் ஸ்டார் தொண்டு நிறுவனத்துக்கு பல உதவிகளை செய்ததோடு, இந்தியாவில் நீரிழிவு குறித்த விழிப்புணர்வு ஏற்படுத்தி வரும் அமிதாப் பச்சனை கவுரவிக்கும் வகையில் இந்த நடமாடும் நீரிழிவு சோதனை மையத்துக்கு "அமிதாப் என, பெயரிடப்பட்டுள்ளது.
இது குறித்து, கருத்து தெரிவித்த அமைச்சர், கெய்த் வாஸ், ""அமிதாப், பல உலக நாடுகளில் செய்துள்ள நல்ல காரியங்களுக்காக, இன்று அமிதாப்பின் 70வது பிறந்த நாளில் அவரை நாங்கள் கவுரவிக்கிறோம். பிரிட்டன் மக்கள், அவருக்கு ஒரு நல்ல பயனுள்ள பரிசை வழங்க விரும்பினர். இந்த நடமாடும் நீரிழிவு சோதனை மையம், மும்பையில் பரவலாக உள்ள நீரிழிவு நோயை கட்டுபடுத்த உதவியாக இருக்கும், என, கூறினார்.