ஏஆர் முருகதாஸை புகழ்ந்து பேசிய ஆமிர்கான் | மதுரை, கல்லம்பட்டி-யில் 'வீர தீர சூரன்' படப்பிடிப்பு | 'ஸ்டார்' படத்திற்கு எதிர்பாராத வியாபாரம்? | சமந்தா எத்தனை கார்கள் வைத்துள்ளார் தெரியுமா? | ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது |
அமிதாப் பச்சன், தனுஷ், அக்ஷரா ஹாசன் மற்றும் பலர் நடித்த தோல்விப் படமான 'ஷமிதாப்' படத்திற்குப் பிறகு பால்கி இயக்க உள்ள புதிய படத்திற்கு 'கி கா' என பெயரிட்டிருக்கிறார். இந்தப் படத்தில் அர்ஜுன் கபூர், கரினா கபூர் நாயகன், நாயகியாக நடிக்கிறார்கள். அமிதாப் பச்சன் ஒரு முக்கிய கதாபாத்திரத்தில் சிறப்புத் தோற்றத்தில் நடிக்க உள்ளார்.
கரினா கபூர் ஒரு கார்ப்பரேட் நிறுவனத்தில் உயர்ந்த பதவியில் வேலைக்குச் செல்பவராகவும், அவருடைய கணவரான அர்ஜுன் கபூர் வீட்டில் சமைக்கும் வேலையைப் பார்க்கும் 'ஹவுஸ்-ஹஸ்பென்ட்' ஆக நடிக்கப் போவதாகவும் தெரிகிறது. இதற்காக கரினா கபூருக்கு பிரபல ஆடை வடிவமைப்பாளரான மனிஷ் மல்கோத்ரா தனி கவனம் செலுத்து அவருடைய தோற்றத்தை உருவாக்க உள்ளாராம்.
இந்தப் படத்தின் டைட்டில் பற்றிய தகவலை படத்திற்கு ஒளிப்பதிவு செய்யும் பி.சி.ஸ்ரீராம் தன்னுடைய டிவிட்டர் வலைத்தளத்தில் தெரிவித்துள்ளார். பால்கியின் ஆஸ்தான இசையமைப்பாளரான இளையராஜாதான் இசையமைக்க உள்ளார். ஆகஸ்ட் முதல் வாரத்தில் இப்படத்தின் படப்பிடிப்பு ஆரம்பமாக உள்ளது.