Dinamalar

ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'

2024ம் ஆண்டில் இதுவரையில் வெளியான படங்களில் இந்தியத் திரைப்படங்களில் தெலுங்குப் படமான 'கல்கி 2898 எடி' படம் 1000 கோடிக்கும் அதிகமான வசூலைக் குவித்தது. அதற்கடுத்து ஹிந்திப் படமான 'ஸ்திரீ 2' படம் 800 கோடிக்கும் அதிகமான வசூலைக் குவித்து இரண்டாவது இடத்தில் உள்ளது.

இந்தியாவில் மட்டும் இப்படம் 600 கோடி வசூலைக் கடந்துள்ளதாக மும்பை பாக்ஸ் ஆபீஸ் வட்டாரங்கள் தெரிவிக்கின்றன. 'அனிமல், பதான்' ஆகியவற்றின் வசூலைக் கடந்து தற்போது ஹிந்தித் திரையுலக வசூலில் இரண்டாவது இடத்திற்கு இப்படம் முன்னேறி உள்ளது. முதலிடத்தில் 640 கோடிகளுடன் 'ஜவான்'(இந்தியாவில் எல்லா மொழிகள் சேர்த்து) படம் உள்ளது.

மேலும் ஹிந்தியில் மட்டும் அதிக வசூல் சாதனை புரிந்த படமாக ஸ்திரீ 2 (ரூ.583 கோடி) நம்பர் 1 இடத்தை பெற்றுள்ளது. முன்னதாக முதலிடத்தில் ஜவான்(ரூ.582 கோடி, ஹிந்தியில் மட்டும்) படம் இருந்தது.

'ஜவான்' படத்தில் ஷாரூக்கான் கதாநாயகனாக நடித்திருந்தார். ஆனால், 'ஸ்திரீ 2' படத்தில் ராஜ்குமார் ராவ், ஷ்ரத்தா கபூர் ஆகியோர்தான் முன்னணி நட்சத்திரங்களாக நடித்துள்ளனர்.

2018ல் வெளியான இப்படத்தின் முதல் பாகம் சுமார் 180 கோடி வசூலை மட்டுமே பெற்றது. அப்போதைய பட்ஜெட் நிலவரப்படி சுமார் 25 கோடியில் தயாரான படம் பெரிய லாபத்தைப் பெற்றுத் தந்தது. 'ஸ்திரீ 2' படத்தின் பட்ஜெட் சுமார் 100 கோடி என்கிறார்கள். ஆனால், அதன் தியேட்டர் வசூலோ 800 கோடிக்கும் மேல். ஓடிடி, சாட்டிலைட் இதர உரிமைகளிலேயே அந்த 100 கோடி முதலீட்டை எடுத்துவிடுவார்கள். அப்படியென்றால் தியேட்டர் வசூல், செலவு போக மீதியெல்லாமே லாபம் தான்.

• 
  ஒரு முறை இல்லை, பலமுறை வருவது தான் காதல்! - நடிகை தமன்னா
• 
  'ஜெயிலர் 2' படத்தின் முதல் பாடல் எப்போது?
• 
  மீண்டும் இணையும் 'ரௌத்திரம்' பட கூட்டணி!
• 
  அபிஷன் ஜீவின்த் படத்தில் இரண்டு நாயகிகள்!
• 
  தனுஷ் படம் நின்றது ஏன்? இயக்குனர் ராம்குமார் விளக்கம்

• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி
• 
  மலையாளத்தில் அறிமுகமாகும் இர்பான் கான் மகன்