அடுத்த வாரம் 7 படங்கள் ரிலீஸ் | தெருக்கூத்து கலைஞராக நடிக்கும் சேத்தன் | முடிந்தால் என்னை தடுங்கள் : தயாரிப்பாளர்கள் சங்கத்திற்கு விஷால் சவால் | பெயரை மாற்றிய இயக்குனர் பூரி ஜெகன்நாத் மகன் | பத்து வருட தவத்திற்கு இரட்டிப்பாக கிடைத்த மகிழ்ச்சி : ஜூலியின் பதிவு | பாண்டியன் ஸ்டோர்ஸ் 2வில் ஏன் நடிக்கவில்லை? - சுஜிதா விளக்கம் | செல்பிக்காக செய்வினையா? - போலீஸ் புகாரளித்த சதீஷ் | காஸ்ட்லி கார் வாங்கிய தங்கதுரை : முதன் முதலில் என்ன செய்தார் தெரியுமா? | மாதம் 4 லட்சம் ரூபாய் இலவச சாப்பாடு தரும் நான் அரிசியில் மோசடி செய்வேனா : சந்தீப் கிஷன் விரக்தி | வீட்டு சாப்பாடு, மெத்தை கேட்ட தர்ஷனின் கோரிக்கையை நிராகரித்த நீதிமன்றம் |
ஜாம்நகர் : 'ரிலையன்ஸ்' நிறுவன அதிபர் முகேஷ் அம்பானியின் மகன் அனந்த் அம்பானி - ராதிகா மெர்ச்சென்ட் திருமணத்துக்கு முந்தைய கொண்டாட்ட நிகழ்வில், 'நாட்டு நாட்டு...' பாடலுக்கு, 'பாலிவுட்' நட்சத்திரங்களான ஷாருக் கான், சல்மான் கான் மற்றும் ஆமிர் கான் மேடையில் ஒன்றாக நடனமாடியது, அனைவரது கவனத்தையும் ஈர்த்தது.
'ரிலையன்ஸ்' நிறுவன அதிபர் முகேஷ் அம்பானியின் மகன் அனந்த் அம்பானி, 28, 'என்கோர் ஹெல்த்கேர்' நிறுவன அதிபர் விரேன் மெர்ச்சென்ட்டின் மகள் ராதிகா மெர்ச்சென்ட், 29, திருமணம் ஜூலை 12ல் நடக்கிறது.
திருமணத்துக்கு முந்தைய கொண்டாட்ட நிகழ்வுகள் குஜராத்தின் ஜாம் நகரில் மார்ச் 1 - 3 வரை நடந்தன. இதில், பாலிவுட் திரைப்பட நட்சத்திரங்கள், தமிழகத்தில் இருந்து ரஜினிகாந்த் மற்றும் அவரது மனைவி லதா, விளையாட்டு வீரர்கள் தோனி, சச்சின் டெண்டுல்கர் உட்பட பலர் பங்கேற்றனர்.
நேற்று முன்தினம் நடந்த இரண்டாம் நாள் கொண்டாட்ட நிகழ்வில், பாலிவுட் நட்சத்திரங்களான ஷாருக் கான், சல்மான் கான் மற்றும் ஆமிர் கான் ஒன்றாக மேடையில் நடனமாடினர். ஆர்ஆர்ஆர் தெலுங்கு திரைப்படத்தில் இடம்பெற்ற, ஆஸ்கர் விருது வென்ற பாடலான, 'நாட்டு நாட்டு...' பாடலை ஹிந்தியில் ஒலிக்கவிட்டு மூவரும் நடனமாடினர். அவர்களுக்கான நடன அசைவுகளை, அந்த படத்தில் நடித்த தெலுங்கு நடிகரான ராம்சரண் மேடையில் கற்றுத் தந்தார்.
நேற்று முன்தினம் இரவு, அமெரிக்க பாப் பாடகி ரிஹானாவின் இசை நிகழ்ச்சி நடந்தது. இந்த நிகழ்ச்சிக்காகவே அவர் பிரத்யேகமாக ஜாம்நகர் வரவழைக்கப்பட்டார்.