Dinamalar

பிரமாண்டத்திலிருந்து இறங்கி வந்த ஷாரூக்கான் : ‛டன்கி' கதை என்ன.?

தொடர் தோல்விகளை சந்தித்து வந்த ஷாரூக்கான் தனது ‛பதான், ஜவான்' படங்களின் மூலம் இந்தாண்டு ரூ.2500 கோடி வசூல் சாதனை படைத்தார். இந்த நிலையில் ஷாரூக்கான் அடுத்து நடிக்கும் 'டன்கி' படத்தின் டீசர் வெளியாகி அடுத்த எதிர்பார்ப்பை ஏற்படுத்தி உள்ளது. தனது பிரமாண்ட இமேஜில் இருந்து இறங்கி வந்து ஒரு இயக்குனரின் நடிகராக அவர் தன்னை இந்த படத்தில் வெளிப்படுத்தி இருப்பதை டீசர் காட்டுகிறது.

முன்னாபாய் எம்பிபிஎஸ், 3 இடியட்ஸ், பிகே, சஞ்சு ஆகிய படங்களின் மூலம் தனக்கென தனி முத்திரை பதித்த இயக்குநர் ராஜ்குமார் ஹிரானி இந்த படத்தை இயக்கி உள்ளார். அவர் இயக்கிய அத்தனை படங்களும் வெற்றி படங்கள் என்பதால் ஷாரூக்கானுக்கு ஹாட்ரிக் வெற்றி கிடைக்க வாய்ப்பு இருக்கிறது. இப்படத்தில் டாப்ஸி, விக்கி கவுஷல், போமன் இரானி, விக்ரம் கோச்சார், அனில் குரோவர் உள்ளிட்ட பலர் நடித்துள்ளனர். ப்ரிதம் இசையமைத்துள்ளார். ஷாரூக்கானின் ரெட் சில்லிஸ் நிறுவனம் தயாரித்துள்ளது.

படித்து விட்டு வேலையில்லாமல் இருக்கும் பஞ்சாப்பை சேர்ந்த 5 இளைஞர்கள் ஜாலியாக தங்கள் வாழ்க்கையை வாழ்கிறார்கள். அவர்களில் ஷாரூக்கானும் இருக்கிறார். சட்டத்திற்கு புறம்பான வழியில் லண்டனுக்கு வேலைக்கு செல்ல திட்டமிடுகிறார்கள். இந்த பயணத்தில் அவர்கள் சந்திக்கும் பிரச்னைகள் தான் படம்.

இந்த மாதிரியான சட்டவிரோத பயணங்களுக்கு 'டன்கி' என்று பெயர். அதனையே படத்திற்கு தலைப்பாக வைத்திருக்கிறார்கள். இந்த படத்தில் நடுத்தர குடும்பத்தை சேர்ந்த இளைஞனாக ஷாரூக்கான் நடித்துள்ளார். ஜவான், பதான் படங்களின் எந்த சாயலும் இல்லாமல் துள்ளலான ஒரு இளைஞனாக நடித்திருக்கிறார். படம் டிசம்பர் 22ம் தேதி திரையரங்குகளில் வெளியாக உள்ளது.

• 
  சோசியல் மீடியாவில் விமர்சித்த ரசிகர்களுக்கு திரிஷா கொடுத்த கமெண்ட்!
• 
  வேறு வழியின்றி விஜய் படத்தை இயக்கினேன் ; தங்கர் பச்சான் மகன் பட விழாவில் ...
• 
  அஜித் குறித்து நெகிழ்ச்சி பதிவிட்ட பிரியா பிரகாஷ் வாரியர்
• 
  'மதராஸி' படத்தின் ரிலீஸ் தேதி குறித்து புதிய அப்டேட்!
• 
  ராகவா லாரன்ஸின் 'காஞ்சனா 4, பென்ஸ்' படங்களின் நிலவரம் என்ன?

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து