Dinamalar

ஜவான் - 2023ல் ஷாரூக்கின் அடுத்த மாபெரும் வெற்றி?

அட்லீ இயக்கத்தில், அனிருத் இசையமைப்பில், ஷாரூக்கான், நயன்தாரா, விஜய் சேதுபதி மற்றும் பலர் நடிப்பில் இன்று ஹிந்தி, தமிழ், தெலுங்கு ஆகிய மொழிகளில் வெளியாகியுள்ள படம் 'ஜவான்'. இன்று காலை முதலே சமூக வலைத்தளங்களை இப்படம் ஆக்கிரமித்துக் கொண்டிருக்கிறது. கடந்த சில ஆண்டுகளாக பாலிவுட்டில் வெளியாகும் ஹிந்திப் படங்கள் பெரிய அளவில் வசூலைக் குவிக்காமல் இருந்தது. 'பாகுபலி 2, ஆர்ஆர்ஆர், கேஜிஎப் 2, புஷ்பா' ஆகிய தென்னிந்திய மொழிப் படங்களால் பாலிவுட் பெரிதும் பாதிக்கப்பட்டது.

அப்படி பாதிப்பில் இருந்த பாலிவுட்டை தனது 'பதான்' படம் மூலம் மீண்டும் பாதுகாத்தவர் ஷாரூக்கான். 1000 கோடிக்கும் அதிகமான வசூலைப் பெற்றது அந்தப் படம். ஒரே ஆண்டில் ஷாரூக்கின் அடுத்த படமாக 'ஜவான்' படம் இன்று(செப்., 7) வெளியாகி உள்ளது. பெரும் எதிர்பார்ப்பில் வெளியான இப்படத்தின் முதல் நாள் முதல் காட்சியைப் பார்த்த ரசிகர்கள் படம் பற்றிய கருத்துக்களைப் பகிர்ந்து வருகின்றனர்.

படம் பக்கா கமர்ஷியல் என்டர்டெயினராக இருப்பதாகவும், ஷாரூக், நயன்தாரா, விஜய் சேதுபதி ஆகியோர் மிரட்டியுள்ளதாகவும் கூறியுள்ளனர். அனிருத்தின் பின்னணி இசை, அட்லியின் அதிரடியான இயக்கம் ஆகியவற்றிற்கும் பாராட்டுக்கள் குவிகிறது.

'பதான்' படம் போலவே 'ஜவான்' படமும் 1000 கோடி வசூலை அள்ளுமா என்பது விரைவில் தெரிந்துவிடும்.

• 
  ரஜினி பிறந்தநாளில் ரீ ரிலீஸ் ஆகும் அண்ணாமலை!
• 
  தமிழகம் எனக்கு உறுதுணையாக உள்ளது : நன்றி சொன்ன கமல்
• 
  விஜய்சேதுபதி படத்தில் ராதிகா ஆப்தேவுக்கு பதிலாக நிவேதா தாமஸ்?
• 
  விக்ரம் சுகுமாரன் மறைவுக்குப் பிறகு ஓடிடியில் வெளியான மதயானை கூட்டம்
• 
  அறிவுரை சொல்பவர்கள் முதலில் தாங்கள் ஒழுங்கானவர்களா? : நடிகர் விநாயகன் ...

• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்
• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...