Dinamalar

'குட்' ஆக இல்லாத ராஷ்மிகாவின் 'குட் பை' படத்தின் வசூல்

தெலுங்குத் திரையுலகத்தின் தற்போதைய முன்னணி கதாநாயகிகளில் ஒருவர் ராஷ்மிகா மந்தனா. தமிழில் விஜய்யுடன் நடித்து வரும் 'வாரிசு' படம் வெளிவந்த பின் தான் இங்கு அவருக்கான இடம் எப்படி அமையும் என்பதும் தெரியும். கார்த்தி நடித்த 'சுல்தான்' படம் அவருக்கு சிறந்த அறிமுகமாக அமையவில்லை என்பதே அதற்குக் காரணம்.


ஹிந்தியில் ராஷ்மிகா கதாநாயகியாக அறிமுகமான 'குட் பை' படம் இரண்டு தினங்களுக்கு முன்பு வெளிவந்தது. ஒரு குடும்பப் படமாக எமோஷனலாக இருக்கிறது என விமர்சகர்களும், ரசிகர்களும் குறிப்பிட்டாலும் படத்தின் வசூல் மிக மோசமாகவே அமைந்துள்ளதாக பாலிவுட் பாக்ஸ் ஆபீஸ் வட்டாரங்கள் தெரிவிக்கின்றன. ஒரு கோடிக்கும் குறைவாக 90 லட்சம் மட்டுமே இந்திய வசூலாகப் பெற்றதாகச் சொல்கிறார்கள்.

'புஷ்பா' படம் மூலம் பாலிவுட்டில் பிரபலமான ராஷ்மிகா, அமிதாப் பச்சன் ஆகியோர் இருந்தும் 'குட் பை' படத்தின் வசூல் இப்படி இருப்பது ஆச்சரியமாக உள்ளது என்கிறார்கள். இத்னைக்கும் 'குட் பை' படத்தின் டிக்கெட் கட்டணம் 150 ரூபாய் என்று மட்டுமே நிர்ணயிக்கப்பட்டும் ரசிகர்கள் தியேட்டர்கள் பக்கம் அதிகம் வரவில்லையாம்.

செப்டம்பர் 30ல் ஹிருத்திக் ரோஷன், சைப் அலிகான் நடித்து வெளிவந்த 'விக்ரம் வேதா' படமும் 10 நாள் ஆகியும் 100 கோடிக்குத் திண்டாடுகிறது. இந்த வாரம் வெளியான முக்கிய படமான 'குட் பை' படத்தின் வசூலும் சரியாக இல்லை என்பது பாலிவுட்டை சோகத்தில் ஆழ்த்தியுள்ளது.

• 
  மார்கோ 2 கைவிடப்பட்டது : உன்னி முகுந்தன்
• 
  வாழைப்பழக் கடை நடத்தியவரின் மகன் இன்று பிரபாஸ் பட இயக்குனர்
• 
  பவன் கல்யாண் நடிக்கும் படத்தை இயக்க தனுஷ் விருப்பம்
• 
  பிளாஷ்பேக்: சிவாஜியின் வசனம், டி எம் எஸ் பேசிப் பாடி, சிறப்பித்த ...
• 
  குபேரா : தமிழ் டிரைலரை ஓவர்டேக் செய்யும் தெலுங்கு டிரைலர்

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...