Dinamalar

புராண காலத்தையும், நவீன காலத்தையும் இணைக்கும் பிரம்மாஸ்த்ரா : அயன் முகர்ஜி

அமிதாப் பச்சன், மவுனி ராய் மற்றும் நாகார்ஜுனா ஆகியோருடன் ரன்பீர் கபூர் மற்றும் ஆலியா பட் நடிக்கும் படம் பிரம்மாஸ்த்ரா. பேண்டசி படமாக உருவாகி வருகிறது. அடுத்த ஆண்டு செப்டம்பர் மாதம் 9ம் தேதி படம் வெளியாகிறது. படத்தின் பர்ஸ்ட் லுக் போஸ்டர் நேற்று வெளியிடப்பட்டது. இதில் ரன்பீர் கபூர் சிவன் சிலை முன்பு அவரை போன்று ஆக்ரோஷமாக நின்று கொண்டிருக்கிறார்.

படம் குறித்து இயக்குனர் அயன் முகர்ஜி கூறியிருப்பதாவது : கடந்த 10 வருடங்களாக என்னுள் வாழ்ந்த கதை இது. குடும்பத்தினரோடு இணைந்து கொண்டாட ஒரு மிகச்சிறந்த பொழுதுபோக்கு திரைப்படமாக இப்படம் இருக்கும். இந்தியாவில் இதற்கு முன்பு பார்த்தது போல் இல்லாத சினிமா அனுபவத்தையும், சாகசங்கள் நிறைந்த பயணமாகவும், உணர்வுபூர்வமான இதயம் நிறைக்கும் படைப்பாகவும், இப்படத்தை பார்வையாளர்களுக்கு வழங்குவதில் மகிழ்ச்சி அடைகிறேன்.

பிரம்மாஸ்திரத்தை அதிநவீன தொழில்நுட்பத்துடன், ஒவ்வொரு காட்சியையும், இந்தியாவில் இதுவரை இல்லாத அளவில், உலகளாவிய தரத்தில் உருவாக்கி வருகிறோம். பார்வையாளர்களை திரையரங்குகளில் மீண்டும் உற்சாகத்துடன் பார்ப்பது, எங்களுக்கு மிகுந்த மகிழ்ச்சியைத் தருகிறது.

இந்த படம் 3 பகுதிகள் கொண்ட டிரையாலஜி திரைப்படமாகும். இந்திய புராணங்களில் ஆழமாக வேரூன்றிய கருத்துக்கள் மற்றும் கதைகளால் ஈர்க்கப்பட்டு, அந்த பின்னணியில் நவீன உலகில் கதை அமைக்கப்பட்டுள்ளது. பேண்டஸி சாகசம், நல்லது மற்றும் தீமை, காதல் மற்றும் நம்பிக்கை ஆகியவற்றின் காவியக் கதை, இவை அனைத்தும் அதிநவீன தொழில்நுட்பத்தைப் பயன்படுத்தி, இந்தியாவில் இதுவரை திரையில் பார்த்திராத வகையில் இப்படம் உருவாக்கப்பட்டிருக்கிறது என்றார்.

பிரம்மாஸ்த்ரா படத்தின் முதல்பாகம் அடுத்தாண்டு செப்., 9ம் தேதி ஹிந்தி, தமிழ், தெலுங்கு, மலையாளம் மற்றும் கன்னடம் ஆகிய 5 இந்திய மொழிகளில் வெளியாகிறது.

• 
  மீண்டும் வெளியாகிறது 'ஊமை விழிகள்'
• 
  பாடகர் ஆனார் புகழ்
• 
  வெப் தொடரில் நடிக்கும் சைத்ரா ரெட்டி
• 
  அயோத்திக்கு விருது ஏனில்லை? கோலிவுட்டில் வெடிக்கும் பஞ்சாயத்து
• 
  பிளாஷ்பேக் : மதன்பாப், சினிமாவில் காமெடியன், நிஜத்தில் ஹீரோ

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?