Dinamalar

பிளாஷ்பேக்: வெள்ளி விழா ஆண்டில் 'குஷி'

எஸ்.ஜே.சூர்யா இயக்கத்தில் விஜய், ஜோதிகா நடித்த 'குஷி' படம் வெளியாகி நேற்றுடன் 25 ஆண்டுகளை நிறைவு செய்துள்ளது. 'வாலி' படத்தின் வெற்றிக்கு பிறகு எஸ்.ஜே.சூர்யா எல்லோர் கவனத்தையும் ஈர்த்தார். குறிப்பாக விஜய் அப்போது ஆக்ஷன் படங்களில் நடித்துக் கொண்டிருந்தார் ஒரு ஜாலியான படத்தில் நடிக்க விரும்பினார். அப்போது அவர் தயாரிப்பாளர் ஏ.எம்.ரத்தினத்திற்கு கால்ஷீட் கொத்திருந்தார். ரத்தினம் எஸ்.ஜே.சூர்யாவை சந்தித்து விஷயத்தை சொல்ல, அவரச அவசரமாக உருவான கதைதான் 'குஷி'.

படத்தில் முதலில் சிம்ரன் நடிப்பதாக இருந்தது. அவரது கால்ஷீட் பிரச்னை காரணமாக ஜோதிகா தேர்வானார். எளிய காதல் கதைதான், ஆனால் ஜோதிகாவின் மிரட்டல், உருட்டலான நடிப்பு, விஜயின் சாந்தமான நடிப்பு, யதார்த்தமான வசனங்கள் படத்தின் வெற்றிக்கு காரணமாக இருந்தது. தேவாவின் இசையில் அத்தனை பாடல்களும் ஹிட்டானது.

அதோடு ஷில்பா ஷெட்டி ஆடிய 'மேக்கரீனா' பாடலும், மும்தாஜ் ஆடிய 'கட்டிப்புடிடா' பாடலும் இளைஞர்களை கட்டி இழுக்க படம் வெள்ளிவிழாவை நோக்கி சென்று, 2000மாவது ஆண்டில் வெளியாகி இப்போது வெள்ளி விழா ஆண்டுக்கு வந்திருக்கிறது.

இந்தப் படம் பவன் கல்யாண் நடிப்பில் தெலுங்கிலும், கணேஷ், ப்ரியாமணி நடிப்பில் கன்னடத்திலும், பர்தீன் கான், கரீனா கபூர் நடிப்பில் ஹிந்தியிலும் ரீமேக் செய்யப்பட்டது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!
• 
  15 கிலோ எடை குறைத்த கிரேஸ் ஆண்டனி!
• 
  கோவா சர்வதேச திரைப்பட விழாவில் திரையிடப்படும் அமரன்!
• 
  சூர்யாவின் 'கருப்பு' படத்தின் கிளைமாக்ஸை மாற்றும் ஆர்.ஜே.பாலாஜி!
• 
  விக்னேஷ் சிவனை தொடர்ந்து ரோல்ஸ் ராய்ஸ் ஸ்பெக்டர் எலக்ட்ரிக் கார் ...