Dinamalar

விக்ரம் படம் போன்றே வெளியாகும் தக் லைப்!

மணிரத்னம், கமல்ஹாசன் கூட்டணியில் நீண்ட வருடங்களுக்கு பிறகு உருவாகி வரும் திரைப்படம் 'தக் லைப்'. இதில் சிம்பு, அசோக் செல்வன், த்ரிஷா, ஜோஜூ ஜார்ஜ், ஐஸ்வர்யா லஷ்மி உள்ளிட்ட பல முன்னனி நட்சத்திரங்கள் இணைந்து முக்கிய கதாபாத்திரங்களில் நடித்துள்ளனர்.

ரெட் ஜெயண்ட் மூவிஸ், ராஜ்கமல் நிறுவனம், மெட்ராஸ் டாக்கீஸ் ஆகிய நிறுவனங்கள் இணைந்து இப்படத்தை தயாரிக்கின்றனர். இதற்கு ஏ. ஆர். ரஹ்மான் இசையமைக்கின்றார்.

இன்று கமல்ஹாசன் பிறந்த தினத்தையொட்டி ரிலீஸ் டீசரை படக்குழு வெளியிட்டுள்ளனர். இப்படம் அடுத்த வருடம் ஜூன் 5ம் தேதி அன்று வெளியாகிறது என அறிவித்துள்ளனர். மேலும், கமலின் விக்ரம் படம் 2022ம் ஆண்டு ஜூன் 3ம் தேதி திரைக்கு வந்தது என்பது குறிப்பிடத்தக்கது.

சிறப்பு வீடியோ

கமல்ஹாசனின் பிறந்த நாளை முன்னிட்டு 'தக் லைப்' படத்தின் சிறப்பு வீடியோ ஒன்றை வெளியிட்டுள்ளனர். அதில் பனி மலைமீது கமல் நடந்து செல்லும் காட்சியும், பின்னர் மலையின் உச்சியில் அவர் நிற்கும் காட்சியும் லாங் ஷாட்டில் காட்டப்படுகிறது. பின்னர் கமல் வயதான, அதே நேரத்தில் வெறித்தனமான ஒரு வேகத்துடன் எதிரிகளும் மோதும் காட்சி ஒன்று 'விஸ்வரூபம்' படத்தின் சண்டை காட்சியை நினைவூட்டும் வண்ணம் இடம் பெற்றுள்ளது. பின்னர், தாடி மீசை இல்லாமல் கூலிங் கிளாஸ் கண்ணாடி அணிந்து 'வேட்டையாடு விளையாடு' ஸ்டைலில் கமலின் லுக்கோடு முடிகிறது சிறப்பு வீடியோ.

இதற்கு இடையில் ஒரு ஹோலி பண்டிகை கொண்டாட்டத்தில் சிம்பு ஆடும் காட்சியும், ரத்த கறை படிந்த சட்டையுடன் அவர் பாய்ந்து வரும் காட்சியும் இடம் பெற்றுள்ளது. தற்போது இந்த வீடியோ வைரலாக பரவி வருகிறது.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  சிவகார்த்திகேயனுக்கு வில்லனா? மறுப்பு தெரிவித்த விஷால்
• 
  ஹாலிவுட் மியூசிக் மீடியா விருது: ஆடுஜீவிதம் பின்னணி இசைக்காக வென்றார் ...
• 
  விஜய் 69வது படத்தில் இணையும் வரலட்சுமி
• 
  73வது பிறந்தநாளை கொண்டாடிய இசையமைப்பாளர் தேவா!
• 
  விடாமுயற்சி படத்தின் சிறு பிஜிஎம் வைரல்