Dinamalar

விஜய் படத்தில் நடிக்க விஜய்க்கு ஆசை

1996ம் ஆண்டு விக்ரமன் இயக்கத்தில் விஜய், சங்கீதா நடித்த படம் 'பூவே உனக்காக'. இந்த படம் பெரிய வெற்றி பெற்றது. விஜய் கேரியரில் இந்த படம் மைல் கல்லாக அமைந்தது. இந்த நிலையில் விக்ரமனின் மகன் விஜய் கனிஷ்கா சினிமாவில் அறிமுகமாகிறார். அவர் நடித்துள்ள 'ஹிட் லிஸ்ட்' படம் நாளை வெளிவருகிறது. இந்த நிலையில் விஜய் நடித்த பூவே உனக்காக படத்தில் நடிக்க ஆசையாக இருப்பதாகவும், இதுகுறித்து அப்பாவிடம்(விக்ரமன்) பேசி இருப்பதாகவும் விஜய் கனிஷ்கா கூறினார்.

இதுகுறித்து அவர் மேலும் கூறும்போது, “நடிப்பு பயிற்சி, நடனம், சண்டைகள் கற்று 'ஹிட் லிஸ்ட்' படம் மூலம் நாயகனாகி உள்ளேன். உணர்வுப்பூர்வமான அதிரடி படமாக இருக்கும். எனது நடிப்பை ரஜினி, கமல், விஜய், சூர்யா ஆகியோர் பாராட்டியது மகிழ்ச்சியாக உள்ளது. 'பூவே உனக்காக' ரீமேக்கில் நடிக்க விருப்பம் உள்ளது. இதை எனது தந்தையிடம் தெரிவித்து விட்டேன். அந்த படத்தை எனது தந்தை இயக்குவாரா? அல்லது வேறு டைரக்டர் இயக்குவாரா? என்பது விரைவில் தெரிய வரும். 'பூவே உனக்காக' இரண்டாம் பாகம் எடுத்தாலும் நடிப்பேன்'' என்றார்.

இதுகுறித்து விக்ரமன் கூறும்போது, “பூவே உனக்காக ரீமேக் செய்து நடிக்க வேண்டும் என்கிற மகனின் ஆசை நியாமானதுதான். ஆனால் அதற்கான காலம், நேரம் கனிந்து வரவேண்டும், குறிப்பாக தற்போது வெளியாக உள்ள 'ஹிட் லிஸ்ட்' படத்திற்கு மக்கள் ஆதரவு கிடைக்க வேண்டும்” என்றார்.

• செய்திகள்
• வந்த படங்கள்

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  அவதூறு பரப்பாதீங்க; ரஹ்மான் அற்புதமானவர் - சாய்ரா பானு ஆடியோ வெளியீடு
• 
  சூர்யா 44வது படத்தின் புரமோஷனை தொடங்கிய கார்த்திக் சுப்பராஜ்
• 
  விவசாயிகளுக்கு விருந்து கொடுத்த நடிகர் விஜய்!
• 
  சொர்க்கவாசல் வெளியான பிறகு கைதி-2 கதையை மாற்றுவேன்! -லோகேஷ் கனகராஜ்
• 
  தைரியம் காட்டும் அரசியல்வாதி விஜய்: மடோனா சிறப்பு பேட்டி