ஒரே நேரத்தில் இரண்டு படங்களில் நடிக்கும் அஜித் குமார்! | சமுத்திரகனிக்கு பெரிய மனது: நெகிழ்ந்த பாலா | ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா! | விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது! | பாடல் இல்லாத படத்துக்கு இசையமைக்கும் அனிருத்! | மகாதேவ் சூதாட்ட செயலி வழக்கு: நடிகர் சாஹில் கான் கைது | விஜயகாந்த்க்கு மே 9ல் பத்ம பூஷன் விருது: பிரேமலதா தகவல் | முத்தக்காட்சிகளால் படங்களை இழந்தேன்: மிருணாள் தாக்கூர் | ஹிந்திக்கு செல்லும் தில் ராஜூ! | ரன்வீர் சிங்கை இயக்கும் ஹனுமான் பட இயக்குனர்! |
தமிழில் 2010ம் ஆண்டு வெளிவந்த 'ஆடுகளம்' படத்தில் கதாநாயகியாக அறிமுகமானவர் டாப்சி. அதன்பின் தமிழில் 'வந்தான் வென்றான், காஞ்சனா 2, வை ராஜா வை, கேம் ஓவர், அனபெல் சேதுபதி,' உள்ளிட்ட படங்களிலும் நடித்துள்ளார். தமிழில் மட்டுமல்லாது தெலுங்கு, ஹிந்தியிலும் பிரபலமானவர் டாப்சி. சமீபத்தில் வெளிவந்த 'டங்கி' படத்தில் ஷாரூக்கான் ஜோடியாகவும் நடித்துள்ளார். அடுத்து சில ஹிந்திப் படங்களில் நடித்து வருகிறார்.
டாப்சி அவருடைய பத்து வருடக் காதலரான மதியாஸ் போ என்பவரை வரும் மார்ச் மாதம் திருமணம் செய்து கொள்ள உள்ளதாகத் தகவல் வெளியாகி உள்ளது. டென்மார்க் நாட்டைச் சேர்ந்த பாட்மின்டன் வீரர் மதியாஸ் சர்வதேச அளவில் பல பட்டங்களை வென்றவர். தற்போது இந்திய தேசிய பாட்மின்டன் அணியின் 'டபுள்ஸ் கோச்' ஆகப் பணிபுரிந்து வருகிறார்.
டாப்சி, மதியாஸ் இருவரது திருமணம் ராஜஸ்தான் மாநிலத்தில் உள்ள உதய்ப்பூரில் நடக்க உள்ளதாகத் தெரிகிறது. சீக்கிய, கிறிஸ்துவ முறைப்படி நடக்க உள்ள திருமணத்தில் நெருங்கிய உறவினர்களும், நண்பர்களும் மட்டும் கலந்து கொள்ள உள்ளார்களாம்.