மும்பையில் அபார்ட்மென்ட் வாங்கிய அக்ஷரா ஹாசன்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

03 நவ, 2023 - 06:41 IST

எழுத்தின் அளவு:

நடிகர் கமல்ஹாசனின் இளைய மகள் அக்ஷரா ஹாசன். அவரும் அக்கா ஸ்ருதிஹாசனைப் போல மும்பையில் செட்டிலாகிவிட்டார். கமல்ஹாசனின் இரு மகள்களான ஸ்ருதி, அக்ஷரா இருவரும் சென்னையில் பிறந்து வளர்ந்தாலும், கடந்த சில வருடங்களாக தங்கள் வசிப்பிடத்தை மும்பைக்கு மாற்றிவிட்டனர்.

ஸ்ருதிஹாசன் அங்கு ஒரு அபார்ட்மென்ட்டில் அவரது காதலருடன் வசித்து வருவதாக ஒரு தகவல். 37 வயதைக் கடந்தாலும் இன்னமும் திருமணம் செய்து கொள்ளாமல் இருக்கிறார். அவரது தங்கை அக்ஷராவும் 30 வயதைக் கடந்தவர். அக்ஷ்ரா அப்பாவின் படங்களில் உதவி இயக்குனராகவும் வேலை பார்த்தவர். தமிழில் 'விவேகம், கடாரம் கொண்டான்' ஆகிய படங்களில் நடித்துள்ளார். விஜய் ஆண்டனியுடன் அவர் நடித்து முடித்துள்ள 'அக்னி சிறகுகள்' படம் இன்னும் வெளிவராமல் இருக்கிறது.

அக்ஷரா தற்போது மும்பை புறநகர் பகுதியான கர் என்ற இடத்தில் 15 கோடி ரூபாய் மதிப்புள்ள அபார்ட்மென்ட் ஒன்றை வாங்கியுள்ளாராம். 3 கார் பார்க்கிங் கொண்ட அந்த வீட்டிற்கு பதிவுத் தொகையாக மட்டும் ஒரு கோடி ரூபாய் செலுத்தியுள்ளார் எனத் தகவல்.

ஸ்ருதியும், அக்ஷராவும் அவ்வப்போது அவரது அப்பா கமல்ஹாசனை சென்னைக்கு வந்து சந்தித்துவிட்டு மீண்டும் மும்பை சென்றுவிடுவது வழக்கம்.

Aksharahaasan

கருத்துகள் (0) கருத்தைப் பதிவு செய்ய

ரஜினிக்கு வில்லனாகும் ராகவா லாரன்ஸ்?

மாணவர்களை ஒழுங்கு படுத்தியதற்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய