Dinamalar

சுதா இயக்கத்தில் ‛சூர்யா 43' அறிவிப்பு வந்தாச்சு : ஹிந்தி எதிர்ப்பு போராட்டமா கதைக்களம்...?

சிவா இயக்கத்தில் கங்குவா படத்தில் நடித்து வருகிறார் சூர்யா. இதன் படப்பிடிப்பு இறுதிக்கட்டத்தில் உள்ளது. அடுத்து சுதா கொங்கரா இயக்கத்தில் நடிக்க போகிறார். சூர்யாவின் 43வது படமாக உருவாகும் இதில் நாயகியாக நஸ்ரியா நடிக்கிறார். முக்கிய வேடங்களில் துல்கர் சல்மான், விஜய் வர்மா நடிக்கின்றனர். ஜிவி பிரகாஷ் இசையமைக்கிறார். இது ஜிவியின் 100வது படமாகும். சூர்யாவின் 2டி நிறுவனம் தயாரிக்கிறது. சூரரைப்போற்று படத்திற்கு பின் சூர்யா, சுதா, ஜிவி பிரகாஷ் கூட்டணியில் உருவாகும் இரண்டாவது படம் இதுவாகும்.

இப்படம் பற்றிய அறிவிப்பு வீடியோ ஒன்றை வெளியிட்டுள்ளனர். அதில் மாணவர்கள் போராட்டம், போலீசார் அவர்களை அடக்குவது, துப்பாக்கிச்சூடு போன்ற குறியீடுகள் இடம் பெற்றுள்ளன. மேலும் புறநானுறு என குறிப்பிட்டு மேலே இரண்டு விஷயங்களை லேபிள் போட்டு மறைத்துள்ளனர்.

1965ல் தமிழகத்தில் நடந்த ஹிந்தி எதிர்ப்பு போராட்டத்தை தழுவி இந்த படம் உருவாக போவதாக தகவல்கள் தெரிவிக்கின்றன. ரசிகர்களும் அவ்வாறே கருத்துக்களை பதிவிட்டு வருகின்றனர். படம் முழுக்க இந்த விஷயம் வரப்போகிறதா அல்லது அதை மையமாக வைத்து நடப்புகால அரசியல் சம்பவங்களையும் வைத்து இந்த படம் உருவாக போகிறதா என அடுத்தடுத்த அப்டேட்டுகளில் தெரிய வரும்.

• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது

• 
  ஒரே நேரத்தில் இரண்டு படங்களில் நடிக்கும் அஜித் குமார்!
• 
  சமுத்திரகனிக்கு பெரிய மனது: நெகிழ்ந்த பாலா
• 
  ராகவா லாரன்ஸின் ‛மாற்றம்' அமைப்பில் இணைந்த எஸ்.ஜே.சூர்யா!
• 
  விஜய் - அஜித்தை தொடர்ந்து விஜய் சேதுபதி படங்களும் ரீ ரிலீஸ் ஆகிறது!
• 
  பாடல் இல்லாத படத்துக்கு இசையமைக்கும் அனிருத்!