Dinamalar

33 நாட்களில் 3 படங்கள் ரிலீஸ் : மீண்டும் பிஸியான மகிமா நம்பியார்

தமிழில் சாட்டை, குற்றம் 23, கொடிவீரன் உள்ளிட்ட பல படங்களில் நடித்து பிரபலமானவர் நடிகை மகிமா நம்பியார். கடந்த பத்து வருடங்களாக சீரான இடைவெளியில் படங்களில் நடித்து தமிழில் தனக்கென ஒரு இடத்தை தக்க வைத்துக் கொண்டுள்ளார். கடந்த ஆகஸ்ட் 28ம் தேதி மலையாளத்தில் இவர் நடித்த ஆர்டிஎக்ஸ் என்கிற திரைப்படம் வெளியானது. மிகப்பெரிய வெற்றி பெற்ற இந்த படம் தற்போது 50 கோடி வசூல் கிளப்பிலும் இணைந்துள்ளது.

இந்த சந்தோஷத்தில் இருக்கும் மகிமாவுக்கு இந்த செப்டம்பர் மாதம் அடுத்தடுத்து அவர் நடித்த இரண்டு படங்கள் வெளியாக இருக்கின்றன. அதிலும் குறிப்பாக ரசிகர்களின் அதிக எதிர்பார்ப்புக்கு ஆளான சந்திரமுகி 2 திரைப்படத்தில் மகிமா நம்பியார் நடித்துள்ளார். இந்த படம் வரும் செப்டம்பர் 15ம் தேதி வெளியாக இருக்கிறது. இந்த படத்தில் கங்கனா தான் கதாநாயகி என்றாலும் அவர் பிளாஷ்பேக் காட்சிகளில் மட்டுமே வருவதால் நிகழ்காலத்தில் ராகவா லாரன்ஸின் ஜோடியாக மகிமா நம்பியார் தான் கதாநாயகியாக நடித்துள்ளார்.

அதேபோல விஜய் ஆண்டனிக்கு ஜோடியாக சி.எஸ் அமுதன் இயக்கத்தில் இவர் நடித்துள்ள ரத்தம் திரைப்படமும் வரும் செப்டம்பர் 28ஆம் தேதி வெளியாக இருக்கிறது. அந்த வகையில் 33 நாட்களுக்குள்ளேயே மகிமாவின் மூன்று படங்கள் அடுத்தடுத்து வெளியாவது அவரது திரையுலக பயணத்தில் அடுத்த கட்டத்தை நோக்கி நகர அவருக்கு உதவியாக இருக்கும் என்பதில் சந்தேகம் இல்லை.

• 
  பார்வையாளர்களின் பதிலை மட்டுமே மதிக்கிறேன் : பல்லவி ஜோஷி
• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு

• 
  லோகா : மொத்தம் 5 பாகப் படங்கள் என இயக்குனர் தகவல்
• 
  லோகேஷை அடுத்து அனிருத்தைப் புகழும் ஏஆர் முருகதாஸ்
• 
  மூணு குழந்தைகள் பெத்துக்கணும்... ஜான்வி கூறும் காரணம்
• 
  இரண்டாவது வாய்ப்பில் வெற்றி பெறுவாரா ருக்மிணி வசந்த்?
• 
  ‛கட்டா குஸ்தி 2' படம் துவங்கியது