Dinamalar

தெலுங்கு ரசிகர்களே சிறந்தவர்கள் - காஜல் அகர்வால்

தமிழ், தெலுங்கில் பல வெற்றிப் படங்களில் நடித்தவர் காஜல் அகர்வால். திருமணம் செய்து கொண்டு குழந்தை பெற்ற பின்பும் தொடர்ந்து கதாநாயகியாக நடித்து வருகிறார். தற்போது தமிழில் 'இந்தியன் 2' படத்திலும், தெலுங்கில் 'பகவாந்த் கேசரி, சத்யபாமா' ஆகிய படங்களிலும் படத்திலும் நடித்து வருகிறார்.

இன்று காஜல் அகர்வாலின் பிறந்தநாளை முன்னிட்டு அவர் தற்போது நடித்து வரும் 'சத்யபாமா' படத்தின் முதல் பார்வை வெளியிடப்பட்டது. அதற்காக நடந்த விழாவில் காஜல் அகர்வால் பேசகையில், “தெலுங்கு சினிமா நான் பிறந்த ஊர் மாதிரி. தெலுங்கு ரசிகர்கள்தான் நிஜமாகவே சிறந்தவர்கள். உங்களால்தான் நான் இங்கு இருக்கிறேன். உங்கள் ஆதரவு இல்லாமல், வரவேற்பு இல்லாமல் உங்கள் அன்பு இல்லாமல் இப்படி இருக்க முடியாது,” என்று பேசினார்.

2007ம் ஆண்டு தெலுங்கில் வெளிவந்த 'லட்சுமி கல்யாணம்' என்ற படத்தின் மூலம்தான் காஜல் அகர்வால் திரையுலகில் கதாநாயகியாக அறிமுகமானார். 2008ல் தமிழில் வெளிவந்த 'பழனி' படம் மூலம் இங்கு அறிமுகமானவர் தொடர்ந்து 16 வருடங்களாக கதாநாயகியாகவே தொடர்கிறார்.

இன்று காஜல் அகர்வாலின் பிறந்தநாளை முன்னிட்டு ரசிகர்கள் பலரும், திரையுலகினரும் அவருக்கு வாழ்த்துகளைத் தெரிவித்து வருகிறார்கள்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா