Dinamalar

தியேட்டர் ரிலீசுக்காக அரைமணி நேரம் நீட்டிக்கப்பட்ட மோகன்லாலின் அலோன்

மோகன்லால் நடிப்பில் கடந்த இரண்டு வருடங்களாக வெளியான படங்கள் தியேட்டர் மற்றும் ஓடிடி தளம் என மாறிமாறி வெளியாகின. சில வாரங்களுக்கு முன்பு மோகன்லால் நடிப்பில், புலி முருகன் பட இயக்குனர் வைசாக் இயக்கத்தில் மிகப்பெரிய அளவில் எதிர்பார்ப்புடன் வெளியான மான்ஸ்டர் திரைப்படம் தியேட்டர்களில் வெளியானாலும் ரசிகர்களிடம் வரவேற்பை பெறத் தவறியது. இந்த நிலையில் 12 ஆண்டுகளுக்கு பிறகு இயக்குனர் ஷாஜி கைலாஷ் இயக்கத்தில் மோகன்லால் நடித்துள்ள அலோன் திரைப்படம் ரிலீசுக்கு தயாராக உள்ளது.

அதே சமயம் இந்த படத்தை ஓடிடி தளத்தில் தான் வெளியிடுவதாக திட்டமிட்டு தயாரிக்கப்பட்டது. தற்போது இந்த படத்தை தியேட்டரில் திரையிட முடிவு செய்துள்ளதாகவும் அதனால் படத்தில் ஒரு பாடல் உட்பட 30 நிமிட காட்சிகள் இன்னும் அதிகரிக்கப்பட்டுள்ளதாக தகவல் வெளியாகி உள்ளது. மொத்த படத்தின் வேலைகள் முடிவடைந்துள்ள நிலையில் தணிக்கைக்கு அனுப்பப்பட்ட இந்த படத்திற்கு சென்சார் அதிகாரிகள் யு சான்றிதழ் அளித்துள்ளனர். கொரோனா காலகட்டத்தில் கேரளாவிலிருந்து கோவைக்கு செல்ல முயற்சிக்கும் ஒருவர் எதிர்பாராதவிதமாக ஒரு வீட்டில் மாட்டிக்கொள்ள நேர்கிறது. அதை மையப்படுத்தி ஒரே ஒரு நபராக மோகன்லால் மட்டுமே நடித்துள்ள ஒரு சாதனை படமாக இது உருவாகி உள்ளது.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ‛காந்தாரா சாப்டர் 1' வெற்றியை ஜெயசூர்யா வீட்டில் கொண்டாடிய ரிஷப் ஷெட்டி
• 
  பிரம்மாண்ட விழா நடத்தி மோகன்லாலை கவுரவித்த கேரள அரசு
• 
  லோகா ஒளிப்பதிவாளருக்கு விலை உயர்ந்த வாட்ச் பரிசளித்த கல்யாணி ...
• 
  நானி படத்தை இயக்கும் ஓஜி இயக்குனர் ; பூஜையுடன் படம் துவங்கியது
• 
  தொடரும் பட இயக்குனரின் சினிமாட்டிக் யுனிவர்ஸில் ஹீரோவாக நடிக்கும் ...