'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
கடந்த ஆண்டு தொடங்கப்பட்டு 250 எபிசோட்களை தாண்டி ஒளிபரப்பாகி வரும் தொடர் பூவே உனக்காக. இந்த தொடரின் நாயகியாக நடித்த நடிகர் லிவிங்ஸ்டனின் மகள் ஜோவிகா தொடரில் இருந்து தீடீரென விலகினார். இந்த நிலையில் கடந்த சில வாரங்களுக்கு முன்பு ஹீரோவாக கதிர் என்ற கேரக்டரில் நடித்து வந்த அருண் விலகினார்.
இருவருமே விலகலுக்கான காரணத்தை வெளிப்படையாக சொல்லவில்லை. ஆனால் வருத்தத்துடன் விலகுவதாக சொன்னார்கள். விரைவில் புதிய தகவலுடன் சந்திப்போம் என்று சொன்னார்கள்.
இந்த நிலையில் தற்போது பூவே உனக்காக தொடரில் அருண் நடித்து வந்த கதிர் கேரக்டரில் அஸீம் நடித்து வருகிறார். அவர் நடித்துள்ள எபிசோட்கள் இப்போது ஒளிபரப்பாக தொடங்கி உள்ளது.
மியூசிக் சேனல் தொகுப்பாளராக சின்னத்திரைக்குள் வந்தவர் அஸீம். அதன்பிறகு சீரியல் நடிகராகி பகல்நிலவு, கடைக்குட்டி சிங்கம் உள்ளிட்ட சில சீரியல்களில் நடித்தார். தற்போது பூவே உனக்காக தொடரில் நாயகன் ஆகியிருக்கிறார். இந்த தொடரில் இருந்து மேலும் சிலர் விலக இருப்பதாகவும், அவர்களுக்கு பதிலாக நடிக்க வேண்டிய நடிகர்கள் தேர்வு நடந்து வருவதாகவும் கூறப்படுகிறது.