Dinamalar

மீண்டும் தொகுப்பாளினி ஆகிறார் அர்ச்சனா

முன்னணி தொலைக்காட்சியில் ஒளிபரப்பான இளமை புதுமை நிகழ்ச்சி மூலம் 13 ஆண்டுகளுக்கு முன்பு அன்றைய இளைஞர்களை கட்டிப்போட்டவர் அர்ச்சனா. அர்ச்சனாவின் துறுதுறு பேச்சும், மார்டன் உடைகளும் அன்றைய இளைஞர்களை மகுடிக்கு ஆடும் பாம்பாக மாற்றி வைத்திருந்தார் அர்ச்சனா.

அதன் பிறகு விஜய் தொலைக்காட்சிக்கு வந்தார். அங்கு கலக்க போவது யாரு, நம்ம வீட்டு கல்யாணம் நிகழ்ச்சிகளை தொகுத்து வழங்கினார். அதன்பிறகு அடுத்தடுத்து சேனல்களுக்கு மாறியவர் கடைசியாக ஜீ தமிழ் சேனலில் சரிகமபா இசை நிகழ்ச்சியை தொகுத்து வழங்கினார்.

செம்பருத்தி, யாரடி நீ மோகினி தொடர்களில் நடித்தார். அப்படியே சினிமாவுக்கும் போனார். என்வழி தனி வழி, வைகை எக்ஸ்பிரஸ், ஏண்டா தலையில எண்ணை வைக்கல, நான் சிரித்தால் படங்களில் காமெடி கேரக்டரில் நடித்தார். தற்போது சிவகார்த்திகேயன் நடித்துள்ள டாக்டர் படத்திலும் நடித்துள்ளார்.

அதன்பிறகு திடீரென விஜய் டி.வியின் பிக் பாஸ் வீட்டுக்குள் வந்தார். இப்போது விஜய் டி.வியின் ஆஸ்தான தொகுப்பாளினியாகவும் மாறுகிறார். விஜய் சேனலில் விரைவில் ஒளிபரப்பாக இருக்கும் காதலே காதல் என்ற ரொமாண்டிக் நிகழ்ச்சி ஒன்றை தொகுத்து வழங்குகிறார். இது பிரபல நட்சத்திரங்கள் பங்கேற்கும் நிகழ்ச்சி. நட்சத்திர தம்பதிகளின் காதல் அனுபவங்களை கேட்டு அதை ரசிக்கும்படி தரப்போகிறார். கிட்டத்தட் இளைமை புதுமை நிகழ்ச்சி போன்றே இதுவும் வடிவமைக்கப்பட்டுள்ளது.

• 
  அருந்ததி படம் ஹிந்தியில் ரீமேக் ஆகுவது உறுதி!
• 
  அமெரிக்காவில் ஜாக்கி சானுடன் ஹிருத்திக் ரோஷன் சந்திப்பு
• 
  மீண்டும் ரா ஏஜென்ட் கபீர் ரோலில் ஹிருத்திக் ரோஷன்
• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்

• 
  ஆபாச படத்தைக் காட்டி 2 கோடி கேட்டு மிரட்டிய நடிகை
• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்
• 
  உழைக்கும் கரங்கள், எஜமான், கண்ணப்பா - ஞாயிறு திரைப்படங்கள்
• 
  தில்லானா மோகனாம்பாள், அவ்வை சண்முகி, ஜெயிலர் - ஞாயிறு திரைப்படங்கள்
• 
  அரச கட்டளை, தளபதி, நிலவுக்கு என்மேல் என்னடி கோபம் - ஞாயிறு திரைப்படங்கள்