Dinamalar

அப்பவே பாடிஷேமிங்! கிடைச்ச வாய்ப்பை தூக்கி எறிந்தேன்: நாதஸ்வரம் பென்சி பிரிங்க்ளின்

சின்னத்திரை இயக்குநர் திருமுருகன், பல ஹிட் தொடர்களை கொடுத்துள்ளார். அவர் நடித்து, இயக்கிய நாதஸ்வரம், கல்யாண வீடு ஆகிய சீரியல்களில் சகோதிரி கேரக்டரில் நடித்து அசத்தியவர் தான் பென்சி ப்ரிங்கிளின். திறமையான நடிகை என்பது ஒருபுறமிருக்க பரதநாட்டியம், குச்சுப்புடி போன்ற சாஸ்திர நடனக்கலைகளையும் முறையாக கற்று தேர்ச்சி பெற்றுள்ளார். இவ்வளவு திறமை இருந்தும், சற்று குண்டான உடலமைப்பு கொண்ட பென்சி பாடிஷேமிங் காரணமாக முன்னணி டான்ஸ் நிகழ்ச்சியிலிருந்து பயந்து வெளியேறியதாக தெரிவித்துள்ளார்.

இதுகுறித்து சமீபத்திய பேட்டி ஒன்றில் பேசியுள்ள பென்சி ப்ரிங்கிளின், 'உங்களில் யார் அடுத்த பிரபுதேவா போட்டிக்கான ஆடிஷனில் நானும் கலந்து கொண்டேன். எனக்கு கிளாசிக்கல் நடனம் மட்டும் தான் தெரியும். வெஸ்டர்ன் கத்துக்க வாய்ப்பு கிடைக்கவில்லை. என்னை பார்த்துவிட்டு ஒரு கோரியோகிராபர் நீ ரொம்ப குண்டா இருக்கேம்மா; நீ ஏன் போட்டியில கலந்துக்கனும் நினைக்கிறன்னு கேட்டார். அப்பவே பாடிஷேமிங் எதிர்கொள்ள ஆரம்பிச்சேன். அந்த போட்டியில் தேர்வாகியும், என்னால முடியாதுங்கிற பயத்தால நான் கலந்துக்கல. அந்த வாய்ப்பை மிஸ் பண்ணிட்டு பல நாட்கள் அதை முயற்சி செய்து பாத்திருக்கலாம்னு அழுதிருக்கேன்' என்று கூறியுள்ளார்.

கடந்த 12 வருடங்களில் பென்சி ப்ரிங்கிளின் நடித்த சீரியல் இரண்டு மட்டும் தான் என்றாலும், அவர் தேர்ந்தெடுத்திருந்த கதாபாத்திரம் மற்றும் அவரது எதார்த்தமான நடிப்பால் நல்லதொரு அங்கீகாரத்தை பெற்றுள்ளார். இப்போது திருமுருகன் டீமில் பயணித்துக் கொண்டிருக்கும் பென்சி மிக விரைவில் புதிய ப்ராஜெக்டில் சந்திப்பேன் என நம்பிக்கையுடன் கூறியுள்ளார்.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  அன்பே வா, அவள் வருவாளா, நம்ம வீட்டுப் பிள்ளை - ஞாயிறு திரைப்படங்கள்
• 
  ராமன் தேடிய சீதை, பாட்ஷா, குடும்பஸ்தன் - ஞாயிறு திரைப்படங்கள்
• 
  இதயக்கனி, அன்புள்ள ரஜினிகாந்த், போர் தொழில் - ஞாயிறு திரைப்படங்கள்
• 
  ஆபாச படத்தைக் காட்டி 2 கோடி கேட்டு மிரட்டிய நடிகை
• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்