Dinamalar

அழையா விருந்தாளியாக வந்து ஆச்சர்யப்படுத்திய ஆமிர்கான்

தெலுங்கில் நாகசைதன்யா, சாய்பல்லவி இணைந்து நடித்துள்ள லவ் ஸ்டோரி திரைப்படம் செப்டம்பர் 24 ல் வெளியாக இருக்கிறது. தனுஷின் முதல் நேரடி தெலுங்கு படத்தை இயக்க உள்ள இயக்குனர் சேகர் கம்முலா தான் இந்த படத்தை இயக்கியுள்ளார். இதனை தொடர்ந்து இந்த படத்தின் புரமோஷன் நிகழ்ச்சி சமீபத்தில் ஐதராபாத்தில் விமர்சையாக நடைபெற்றது.

இந்த நிகழ்விற்கு நாகசைதன்யாவின் தந்தை நாகார்ஜுனா, மனைவியான சமந்தா ஆகிய இருவருமே வரவில்லை. அதே சமயம் சிரஞ்சீவியும், பாலிவுட்டிலிருந்து நடிகர் ஆமிர்கானும் இந்த நிகழ்ச்சியில் கலந்து கொண்டு சிறப்பித்தனர்.

நாகசைதன்யா தற்போது ஹிந்தியில் ஆமிர்கானுடன் லால் சிங் சத்தா என்கிற படத்தில் இணைந்து நடித்து வருகிறார். அந்த நட்பின் அடிப்படையில் ஆமீர்கான் வந்து கலந்து கொண்டாலும், இந்த நிகழ்ச்சிக்கு அவருக்கு அழைப்பு அனுப்பப்படவில்லையாம். நிகழ்ச்சி துவங்குவதற்கு முதல் நாளன்று லவ் ஸ்டோரி படத்தின் டிரைலரை பார்த்து ரொம்பவே இம்ப்ரஸ் ஆன ஆமிர்கான், நாக சைதன்யாவுக்கு போன் செய்து நானும் இந்த விழாவில் கலந்து கொள்ள வரலாமா எனக்கேட்டு அதன் பின்னரே ஐதராபாத்துக்கு பறந்து வந்தாராம்.

• 
  விஜய் ஆண்டனி நடிக்கும் கொலை
• 
  தமிழ், தெலுங்கில் தயாராகும் சமந்தாவின் பேண்டஸி படம்
• 
  ஆந்திரா தியேட்டர்களில் 100 சதவிகித இருக்கைக்கு அனுமதி
• 
  ரஜினியுடன் இணைந்து நடித்த சந்தோஷத்தில் டாக்டர் காமெடியன்
• 
  முதன்முறையாக வெளியே வந்த சமந்தா

• 
  சிறையில் இருக்கும் மகனின் கைசெலவுக்கு 4500 ரூபாய் அனுப்பிய ஷாருக்கான்
• 
  விக்ரம் வேதா ஹிந்தி ரீமேக் ஆரம்பம்
• 
  இந்தியில் ரீமேக் ஆகும் அலா வைகுந்தபுரம்லோ: படப்பிடிப்பு தொடங்கியது
• 
  பான்மசாலா விளம்பரத்தில் இருந்து அமிதாப் விலகல்
• 
  டூப்ளிகேட் ஷாருக்கான்களுக்கு வந்த புது சிக்கல்