Dinamalar

'கோப்ரா'-க்கு முன்பு 'விக்ரம் 60' ரிலீஸ் ?

2019ம் ஆண்டு வெளிவந்த 'கடாரம் கொண்டான்' படத்திற்குப் பிறகு 'கோப்ரா' படத்தில் நடிக்க ஆரம்பித்தார் விக்ரம். அஜய் ஞானமுத்து இயக்கத்தில் உருவாகி வரும் இப்படத்தின் படப்பிடிப்பு அக்டோபர் 2019ல் ஆரம்பமானது. அதன்பின் கொரோனா முதல் அலை காரணமாக படப்பிடிப்பு கொஞ்சம் தள்ளிப் போனது.

இருப்பினும் இந்த வருடம் ஜனவரி மாதம் படத்தின் டீசரை வெளியிட்டார்கள். பலவித தோற்றங்களில் விக்ரமைப் பார்த்த ரசிகர்கள் ஆச்சரியப்பட்டார்கள். தற்போது வரையிலும் 19 மில்லியன் பார்வைகளைக் கடந்து போய்க் கொண்டிருக்கிறது டீசர்.

எஞ்சியுள்ள படப்பிடிப்பை முடிக்க வேண்டும் என்ற நிலையில், மீண்டும் இந்த வருடம் இரண்டாவது அலையின் காரணமாகவும் தாமதமானது. பிரம்மாண்டமான படம் என்பதால் சரியான சமயத்தில் படத்தை வெளியிடலாம் என தயாரிப்பாளர் முடிவெடுத்தார்.

இதனிடையே, கார்த்திக் சுப்பராஜ் இயக்கத்தில் விக்ரம், அவரது மகன் துருவ் விக்ரம் இணைந்து நடித்த விக்ரமின் 60வது படத்தையும் 'கோப்ரா' தயாரிப்பாளரே தயாரிக்க ஆரம்பித்தார். 'கோப்ரா' படப்பிடிப்பு நடக்கும் போதே இப்படத்தின் படப்பிடிப்பும் நடந்தது.

'கோப்ரா' அளவிற்கு படப்பிடிப்பு நாட்கள் தேவைப்படாத காரணத்தால் விக்ரம் 60 படப்பிடிப்பை நடத்தி முடித்துவிட்டார்கள். ஆகஸ்ட் 20ம் தேதி இதன் டைட்டில் அறிவிப்பு, முதல் பார்வை போஸ்டரை வெளியிட உள்ளார்கள்.

மேலும், 'கோப்ரா' படத்திற்கு முன்பாகவே 'விக்ரம் 60' படத்தையும் ரிலீஸ் செய்ய உள்ளதாகத் தகவல். எந்தப் படம் முதலில் வந்தாலும் அடுத்தடுத்து விக்ரம் படங்கள் வெளிவரும் என்பது மட்டும் உறுதி. மணிரத்னம் இயக்கத்தில் விக்ரம் மற்றும் பலர் நடித்து வரும் படமும் 2022ல் வெளிவருகிறது.

விக்ரம் நடிக்க எப்போதோ ஆரம்பமான 'துருவ நட்சத்திரம்' படம் மட்டும் எப்போது வரும் என்று யாராலும் சொல்ல முடியாது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ஹரிஷ் கல்யாணுக்கு ஜோடியாகும் ‛ஸ்டார்' பட நடிகை
• 
  நிலவுக்கு என்மேல் என்னடி கோபம் படப்பிடிப்பு நிறைவு பெற்றது
• 
  துப்பாக்கிய பிடிங்க : விஜய்யின் பெருந்தன்மை - சிவகார்த்திகேயன் ...
• 
  விஷ்ணு விஷால் படத்தில் நிகழ்ந்த மாற்றம்
• 
  புஷ்பா 2 டிரைலர் - தெலுங்கை விட ஹிந்திக்கு அதிக வரவேற்பு