Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

மீண்டும் அதிகரிக்கும் கட்டுப்பாடுகள் : தியேட்டர்கள் திறப்பு எப்போது?

01 ஆக, 2021 - 16:38 IST
எழுத்தின் அளவு:
When-theatres-will-open-in-Tamilnadu

கொரோனா தாக்கத்தின் அடுத்த மூன்றாவது அலை வருகிறதோ என்ற ஐயம் வரும் அளவிற்கு கடந்த சில நாட்களாக பாதிப்படைந்தவர்களின் எண்ணிக்கை கொஞ்சம் கொஞ்சமாக அதிகரித்து வருகிறது. நாளை முதல் ஒரு வார காலத்திற்கான ஊரடங்கு தளர்வு அறிவிப்புகளில் புதிய கட்டுப்பாடுகள் விதிக்கப்பட்டுள்ளன. சில குறிப்பிட்ட கோயில்களின் தரிசனத்திற்கான கட்டுப்பாடு, சென்னை, கோவை உள்ளிட்ட மாநகரங்களில் மக்கள் கூடும் வியாபார இடங்கள் ஆகியற்றிற்கான கட்டுப்பாடுகள் கடுமையாக்கப்பட்டுள்ளன.

இதனால், ஆகஸ்ட் 15 வாக்கில் தமிழகத்தில் தியேட்டர்கள் திறக்கப்படலாம் என்று எதிர்பார்த்து காத்திருந்த தியேட்டர்காரர்களுக்கு ஏமாற்றமே ஏற்பட்டுள்ளது. இரு தினங்களுக்கு முன்பு, தெலங்கானா, ஆந்திரா மாநிலங்களில் தியேட்டர்கள் திறக்கப்பட்டன. முதல் நாளில் குறிப்பிடத்தக்க அளவில் ரசிகர்கள் வந்ததால் மகிழ்ச்சியடைந்தார்கள். ஆனால், நேற்று பல தியேட்டர்களில் சில காட்சிகளில் ஒருவர் கூட வரவில்லை என்பதால் காட்சிகளை ரத்து செய்துள்ளார்கள்.

அது பற்றி டோலிவுட்டில் விசாரித்த போது, நீண்ட இடைவெளிக்குப் பிறகு தியேட்டர்கள் திறக்கப்பட்டதால் ரசிகர்கள் வந்தார்கள். ஆனால், வெளியான அனைத்துமே சிறிய படங்கள். மேலும் அவை ரசிகர்களின் எதிர்பார்ப்பை பூர்த்தி செய்யும் அளவிற்கு இல்லாத காரணத்தால் நேற்று தியேட்டர்களுக்கு மக்கள் வராமல் போய்விட்டதாகத் தெரிவிக்கிறார்கள்.

முன்னணி நடிகர்களின் படங்களுக்கோ அல்லது நன்றாக இருக்கிறது என்று சொல்லப்படும் படங்களுக்கோ தான் இனி மக்கள் வருவார்களோ என்ற அச்சத்தை அது ஏற்படுத்தியுள்ளதாகக் கவலை அடைந்துள்ளார்கள்.

ஓடிடி தளங்களில் வீட்டிலேயே நினைத்த ஓய்வு நேரத்தில் அமர்ந்து படம் பார்க்கும் வசதிக்கு மக்கள் பழகிவிட்டால் தியேட்டர்களுக்கு வந்து படம் பார்ப்பவர்களின் எண்ணிக்கை பெருவாரியாகக் குறையும் என்றும் கலக்கமடைந்துள்ளார்கள்.

இந்நிலையில் மூன்றாவது அலைக்கான முன்னோட்டமாக கடந்த சில நாட்களில் கொரோனா பரவல் சில மாநிலங்களில் அதிகரித்து வருகிறது. அடுத்தடுத்து சில பெரிய படங்களை வெளியிடக் காத்திருக்கும் திரையுலகினருக்கு அதிர்ச்சியையும் ஏற்படுத்தியுள்ளது.

ஒரு வேளை மூன்றாவது அலை வந்தாலும், வராமல் போனாலும் முன்னெச்சரிக்கை காரணமாக தியேட்டர்களை மேலும் சில மாதங்களுக்கு மூடும் சூழ்நிலை வரலாம் என்ற ஒரு தகவலும் பரவி வருகிறது.

அக்டோபர் மாதம் விஜயதசமி அன்றோ அல்லது நவம்பர் மாதம் தீபாவளிக்கோ தியேட்டர்களைத் திறக்க வாய்ப்பிருக்கலாம் என்றும் சொல்கிறார்கள்.

Advertisement
கருத்துகள் (3) கருத்தைப் பதிவு செய்ய
தனுஷிற்கு ஜோடியாகும் பிரியா பவானி சங்கர், ராஷி கண்ணாதனுஷிற்கு ஜோடியாகும் பிரியா பவானி ... மீண்டும் டிவி பக்கம் வந்த விஜய் சேதுபதி, ஜுனியர் என்டிஆர் மீண்டும் டிவி பக்கம் வந்த விஜய் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (3)

swa -  ( Posted via: Dinamalar Android App )
02 ஆக, 2021 - 10:09 Report Abuse
swa sangu than
Rate this:
தமிழன் - Madurai,இந்தியா
02 ஆக, 2021 - 07:25 Report Abuse
தமிழன் பாண்டி சென்று மது, மாது என்று சொகுசு வாழ்க்கை வாழ, பத்து வயது விடலை முதல் எம்பது வயது தாத்தா வரை ஒழுக்கம் என்றால் என்ன என்று கேட்க்கும் உத்தமர்களை வாழ வைக்க கொட்டகைகளை திறந்து தமிழக அரசு ஆவண செய்யும் என தமிழர்கள் எதிர்பார்ப்பு.
Rate this:
Mohan - Thanjavur ,இந்தியா
01 ஆக, 2021 - 20:23 Report Abuse
Mohan அலைகள் ஓய்வதில்லை .காய்ச்சல், கழிச்சல் போல இனி இருந்துகொண்டுதான் இருக்கும். ஒரு ஒரு அலையாக இது தொடரும்.எனவே, அந்த திரைச்சீலை மூடியே இருக்கட்டும்.
Rate this:

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Aranmanai 3
    • அரண்மனை 3
    • நடிகர் : ஆர்யா ,
    • நடிகை : ராஷி கண்ணா ,ஆண்ட்ரியா
    • இயக்குனர் :சுந்தர் சி
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    Tamil New Film Vellai yaanai
    • வெள்ளை யானை
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2021 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in