Dinamalar

'பேக் டூ பேக்' ஓடிடி ராசியில் ஆர்யா, நயன்தாரா

சினிமாவில் முன்பெல்லாம் தியேட்டர்களில் அடுத்தடுத்து ஒரே நடிகரின் படம் வெளியாகி ஹிட் அடித்தால் 'பேக் டூ பேக் சூப்பர் ஹிட்' என அந்த நடிகரின் ரசிகர்கள் அந்த வெற்றியைக் கொண்டாடுவார்கள். கடந்த ஒன்றரை வருடங்களாக தியேட்டர்கள், முதல் நாள் முதல் காட்சி அதிலும் அதிகாலை காட்சி, ரசிகர்கள் கூட்டம் என சினிமாவைப் பார்க்க முடியவில்லை.

தியேட்டர் கொண்டாட்டம் என்ற அந்த இடத்தை ஓடிடி தளங்கள் கொஞ்சம் கொஞ்சமாக ஆக்கிரமித்து வருகின்றன. முதல் நாள் முதல் காட்சி என்பது ஓடிடியில் நடு இரவு காட்சியாகவும், ரசிகர்கள் கூட்டம் குடும்பத்தினரின் கூட்டமாகவும் மாறிவிட்டது.

இந்த வருடம் ஓடிடி தளங்களில் தனது அடுத்தடுத்த படங்களை வெளியிட்டு வரவேற்பைப் பெற்றுள்ளவர் ஆர்யா. அவர் நடித்த 'டெடி' இந்த ஆண்டு மார்ச் மாதம் ஹாட்ஸ்டார் தளத்திலும், அடுத்த வெளியீடான 'சார்பட்டா பரம்பரை' கடந்த வாரம் அமேசான் தளத்திலும் வெளியானது.

அவரைப் போலவே அடுத்தடுத்த ஓடிடி வெளியீட்டில் இடம் பெற உள்ளவர் நயன்தாரா. அவர் நடித்த 'மூக்குத்தி அம்மன்' கடந்த வருட தீபாவளிக்கு ஹாட்ஸ்டார் தளத்தில் வெளியானது. அவரது அடுத்த படமான 'நெற்றிக்கண்' அடுத்த மாதம் 13ம் தேதி ஹாட்ஸ்டார் தளத்தில் வெளியாக உள்ளது.

ஆர்யா, நயன்தாரா போலவே சூர்யாவும் 'பேக் டூ பேக்' ஓடிடி வெளியீட்டில் இடம் பெறுவார் எனத் தெரிகிறது. கடந்த வருடம் அவரது 'சூரரைப் போற்று' ஓடிடி தளத்தில் வெளியானது. அடுத்து அவர் நடித்துள்ள 'ஜெய் பீம்' ஓடிடி வெளியீடு என்றே தகவல்கள் பரவி வருகின்றன. விரைவில் அதற்கான அறிவிப்பு வரலாம்.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  மன வருத்ததுடன் பாலிவுட் பக்கம் கவனத்தை திருப்பும் ராஷி கண்ணா ; காரணம் ...
• 
  பிளாஷ்பேக்: ஒரே மாதிரியான கதை... வென்றவர் பி ஆர் பந்துலு... வீழ்ந்தவர் கவிஞர் ...
• 
  பொதுவெளியில் எப்படி பேசுவது என்று எனக்குத் தெரியவில்லை ; விநாயகன் பளிச்
• 
  தென்னிந்திய படங்களை தவிர்ப்பது ஏன் ? மனம் திறந்த சுனில் ஷெட்டி
• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்