Dinamalar

5 மாதங்கள் கழித்து ஓடிடிக்கு வரும் ஈஸ்வரன்

சுசீந்திரன் இயக்கத்தில் தமன் இசையமைப்பில், சிலம்பரசன், நிதி அகர்வால், பாரதிராஜா மற்றும் பலர் நடித்த ஈஸ்வரன் படம் இந்த வருடப் பொங்கலை முன்னிட்டு ஜனவரி 14ம் தேதி வெளிவந்தது. ஒரு பக்கம் விஜய் நடித்த மாஸ்டர் படம் அப்போது வெளிவந்து போட்டியில் இருந்தாலும் இப்படமும் ஓரளவிற்கு சமாளித்து ஓடியது.

ஈஸ்வரன் படம் தமிழ்நாட்டில் தியேட்டர்களில் வெளியாகும் போதே வெளிநாடுகளில் ஓடிடி தளத்தில் வெளியாகும் என்று தயாரிப்பு நிறுவனம் அறிவித்தது. ஆனால், தியேட்டர் உரிமையாளர்கள் அதற்கு கடும் எதிர்ப்பு தெரிவிக்கவே வெளிநாட்டில் ஓடிடியில் வெளியிடுவதை தள்ளி வைத்தார்கள்.

கடந்த வருடத்திலிருந்து ஒரு புதிய படம் வெளிவந்தால் அதிக பட்சம் 50 நாட்களில் ஓடிடி தளத்தில் வெளியாகி விடும். ஆனால், ஈஸ்வரன் படம் மட்டும் ஓடிடி தளத்தில் வெளியாகவேயில்லை. இப்போது 5 மாதங்கள் கழித்து படம் ஓடிடியில் வெளியாக உள்ளது. நாளை(ஜூன் 12) முதல் இப்படத்தை டிஸ்னி பிளஸ் ஹாட்ஸ்டார் தளத்தில் காணலாம்.

தனுஷ் ரசிகர்களுக்கும் சிம்பு ரசிகர்களுக்கும்தான் எப்போதும் போட்டி இருக்கும். தனுஷ் நடித்துள்ள ஜகமே தந்திரம் அடுத்த வாரம் நேரடியாக ஓடிடி தளத்தில் வெளிவர உள்ளது. ஒரு வாரம் முன்னதாக சிம்பு நடித்துள்ள ஈஸ்வரன் படத்தை ஓடிடியில் பார்க்க வாய்ப்பு கிடைத்துள்ளது சிம்பு ரசிகர்களுக்கு பெரும் மகிழ்ச்சியாக இல்லை என்றாலும் சிறு மகிழ்ச்சியாகவாவது இருக்கும்.

• 
  ஹிந்தியில் படத்துக்கு வரவேற்பு: புனேவுக்கு நடிகர் தனுஷ் விசிட்
• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'

• 
  ரியோ ராஜ் நடிக்கும் 'ராம் இன் லீலா'
• 
  இயக்குனர் ராஜ் நிடிமொருவை 2வது திருமணம் செய்தார் சமந்தா
• 
  நடிகை கனகா தந்தையும் இயக்குனருமான தேவதாஸ் காலமானார்
• 
  ஹிருது ஹாருன் ஜோடியான சம்யுக்தா விஸ்வநாதன்
• 
  ஹீரோயின் ஆன 'பிக்பாஸ்' ஜனனி