Dinamalar

'ஜகமே தந்திரம்' டிரைலர் - லண்டனில் ஒரு 'கொக்கி குமார்'

கார்த்திக் சுப்பராஜ் இயக்கத்தில் சந்தோஷ் நாராயணன் இசையமைப்பில் தனுஷ், ஐஸ்வர்ய லட்சுமி மற்றும் பலர் நடித்துள்ள 'ஜகமே தந்திரம்' படத்தின் டிரைலரை இன்று காலை யு டியுபில் வெளியிட்டார்கள்.

லண்டனில் நடக்கும் ஒரு 'தாதா' கதை. தமிழ்நாட்டின் மதுரையிலிருந்து லண்டனுக்கு கிளம்பிப் போகும் 'கொக்கி குமார்' போன்ற ஒரு இளைஞன் லண்டன் தாதா சாம்ராஜ்ஜியத்தில் என்ன செய்கிறார் என்பதுதான் கதை.

கொக்கி குமார், மாரி கலந்த ஒரு கதாபாத்திரமாக இந்த 'சுருளி' கதாபாத்திரம் இருக்குமோ என சந்தேகிக்க வைக்கிறது. எப்படி இருந்தாலும் அதில் ஸ்கோர் செய்து விடுவார் தனுஷ். கதாபாத்திரம் எப்படி இருந்தால் என்ன காட்சிகள் சுவாரசியமாக இருந்தால் சரி.

கதாநாயகி ஐஸ்வர்ய லெட்சுமி இலங்கைத் தமிழ்ப் பெண் என்பது அவர் பேசுவதிலிருந்து தெரிந்துவிடுகிறது. மற்ற கதாபாத்திரங்கள் கலையரசன் மட்டும் தெரிந்த முகமாக இருக்கிறார். லண்டன் தாதாக்களாக ஜேம்ஸ் காஸ்மோ, ஜோசப் ஜோஜு ஜார்ஜ் என டிரைலரின் விளக்க உரையில் 'கதைச் சுருக்கத்தையும்' குறிப்பிட்டுள்ளார்கள்.

கதைச் சுருக்கத்தைப் படித்தால் ஆச்சரியம் ஏற்படுவதைவிட இதை எப்படி நம்பும்படி கார்த்திக் சுப்பராஜ் கொடுத்திருப்பார் என யோசிக்க வைக்கிறது. நம் ஊரைச் சார்ந்த தாதா கதை என்றால் துப்பாக்கி வைத்திருந்தால் கூட அரிவாள் எடுத்தும், கட்டையை எடுத்து மட்டும்தான் சண்டை போடுவார்கள். லண்டன் தாதா கதை என்பதால் தீபாவளி துப்பாக்கி சுடுவதைப் போல சுட்டுக் கொண்டே இருந்தால் காமெடியாகிவிடும்.

படத்தின் பாடல்கள் ஏற்கெனவே சூப்பர்ஹிட் வரிசையில் சேர்ந்தவை. அவற்றை இந்த டிரைலரில் சேர்க்கவேயில்லை. டிரைலரின் முடிவில் 'சோழர் பரம்பரையில் ஒரு லண்டன் தாதா' என தனுஷின் பன்ச் வசனத்துடன் முடித்திருக்கிறார்கள்.

'சோழர் பரம்பரை' என்பதில் அரசியல் செய்கிறார்களா, 'லண்டன் தாதா'வில் அரசியல் செய்கிறார்களா என்பது படத்தைப் பார்க்கும் போது தெரிந்துவிடும்.

• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...

• 
  சினிமாவை வாழ விடுங்கள்: நடிகை விஜயசாந்தி
• 
  'கங்குவா' டிரைலரில் பாதி பார்வைகள் பெற்ற 'ரெட்ரோ' டிரைலர்
• 
  வரதட்சணை வாங்கி திருமணம் செய்து கொண்டேனா? ரம்யா பாண்டியன் கொடுத்த ...
• 
  சிவப்பு நிறத்தில் புதிய கார் வாங்கிய ஏ. ஆர். ரஹ்மான்!
• 
  ‛போய் வா நண்பா': ‛குபேரா' படத்தின் பர்ஸ்ட் சிங்கிள் வெளியானது!