மதம் சம்பந்தப்பட்ட பதிவு சர்ச்சையில் யுவன் ஷங்கர் ராஜா

28 ஏப், 2021 - 01:06 IST

0 கருத்துகள் கருத்தைப் பதிவு செய்ய

எழுத்தின் அளவு:

தமிழ்த் திரையுலகின் முன்னணி இசையமைப்பாளர்களில் ஒருவரான யுவன்ஷங்கர் ராஜா இந்து மதத்திலிருந்து முஸ்லிம் மதத்திற்கு மாறியவர். முஸ்லிம் பெண்ணைத் திருமணம் செய்து கொண்டுள்ளார்.

யுவனின் அப்பாவான இசையமைப்பாளர் இளையராஜா தீவிர இந்து மதப் பற்றாளர். அதனால், யுவன் முஸ்லிம் மதத்திற்கு மாறிய செய்திகள் வெளிவந்த போது அவை பரபரப்பாகப் பேசப்பட்டது. அதன்பின் யுவன் மதமாற்றம் பற்றி யாரும் பெரிய அளவில் கருத்துக்களையோ, எதிர்ப்புகளையோ இதுவரையிலும் பதிவிட்டதில்லை.

கடந்த வருடம் செப்டம்பர் மாதம் ஐயம் எ தமிழ் பேசும் இந்தியன் என்ற டீ ஷர்ட்டுடன் யுவனும், ஹிந்தி தெரியாது போடா என்ற டீ ஷர்ட்டுடன் நடிகர் ஷிரிஷும் இருந்த போட்டோவை யுவன் வெளியிட்ட போது சர்ச்சையில் சிக்கினார்.

இந்நிலையில் நேற்று குர்ரான் பதிவு ஒன்றை அவர் முகப்புத்தகத்தில் பதிவிட்டார். அது பற்றி சில ரசிகர்கள் மதப் பிரச்சாரம் செய்கிறீர்களா, என கமெண்ட் பதிவிட்டார்கள். அவர்களில் சிலருக்கு யுவன் ஷங்கர் ராஜா தனித் தனியாக பதில்களையும், விளக்கங்களையும் கொடுத்திருந்தார்.

ஒருவர், ‛நாங்கள் அனைவரும் உங்களின் இசைக்காக தான் உங்களின் பேஸ்புக் பக்கத்தை பின் தொடருகிறோம், மத பிரசங்கத்திற்கு அல்ல. நான் உங்களை தொடர வேண்டுமா என கேட்டிருந்தார். அதற்கு யுவன், ‛நீங்கள் என்னை பின்தொடர வேண்டாம் என பதில் கொடுத்துள்ளார்.

அந்தப் பதிவும், கமெண்ட்டுகளும், விளக்கங்களும் தற்போது ஸ்க்ரீன்ஷாட்டுகளாக சமூக வலைத்தளங்களில் அதிகமாகப் பரவி வருகின்றன.

Yuvanshankarraja

கருத்துகள் (0) கருத்தைப் பதிவு செய்ய

நடிகை விஜயலட்சுமி மீது விடுதி ...

அல்லு அர்ஜூனுக்கு கொரோனா

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய