Dinamalar

ஓடிடி தளத்தில் சாதனை படைக்கிறதா 'வைல்ட் டாக்' ?

அஷிஷோர் சாலமன் இயக்கத்தில், நாகார்ஜுனா, தியா மிர்சா மற்றும் பலரது நடிப்பில் உருவான தெலுங்குப் படம் 'வைல்ட் டாக்'. இப்படம் இந்த மாதம் 2ம் தேதி தியேட்டர்களில் வெளியானது. ஆனால், எதிர்பார்த்தபடி பெரிய அளவிலான வரவேற்பு படத்திற்குக் கிடைக்கவில்லை. மேலும், கொரோனா பரவல் காரணமாகவும் மக்கள் தியேட்டர்கள் பக்கம் வராத காரணத்தால் இப்படம் தியேட்டர் வசூலிலும் சறுக்கியது.

இந்நிலையில் படத்தை நெட்பிளிக்ஸ் ஓடிடி தளத்தில் நேற்று முன்தினம் வெளியிட்டார்கள். தெலுங்கில் தயாரான இப்படம் ஓடிடி தளத்தில் தமிழ், மலையாளம், கன்னடம் ஆகிய மொழிகளிலும் வெளியாகி உள்ளது.

தற்போது இந்தப் படம் நெட்பிளிக்ஸ் ஓடிடி தளத்தில் டிரெண்டிங்கில் முதலிடத்தைப் பிடித்துள்ளதாம். தெலுங்குப் பதிப்பு முதலிடத்திலும், தமிழ்ப் பதிப்பு ஐந்தாமிடத்திலும் டிரெண்டிங்கில் உள்ளதாம். எதிர்பார்த்ததை விட குறைந்த காலத்தில் அதிகமான பார்வையாளர்களை இந்தப் படம் பெற்றுள்ளது என்றும் சொல்கிறார்கள்.

தென்னிந்திய அளவில் இதற்கு முந்தைய சாதனைகளை முறியடித்துள்ளதாம் வைல் டாக். ஓடிடி தளங்களில் ஒரு படம் எத்தனை முறை பார்க்கப்பட்டுள்ளது என்பது குறித்து இதுவரையிலும் ஓடிடி தளங்கள் அதிகாரப்பூர்வமான எண்ணிக்கையை அறிவித்ததில்லை. இருந்தாலும் இத்தகவல்கள் குறித்து படக்குழு மகிழ்ச்சியடைந்துள்ளதாம்.

தியேட்டர்களில் கிடைக்காத வரவேற்பு ஓடிடி தளத்தில் கிடைக்கும் என்பதே அதற்குக் காரணம்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு
• 
  ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு
• 
  சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி'
• 
  மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது!
• 
  சோபிதா துலிபாலாவின் அடுத்த தமிழ் படம்!