Dinamalar

மகளுக்கு நெகிழ்ச்சியான வாழ்த்து சொல்லும் கஜோல்

ஹிந்தித் திரையுலகில் பல வெற்றிப் படங்களில் நடித்தவர் கஜோல். தமிழில் 'மின்சார கனவு, விஐபி 2' ஆகிய படங்களில் நடித்துள்ளார். ஹிந்தித் திரையுலகின் முன்னணி ஹீரோக்களில் ஒருவரான அஜய் தேவகனைக் காதலித்து கரம் பிடித்தவர் கஜோல்.

இந்தத் தம்பதியருக்கு ஒரு மகளும், மகனும் இருக்கிறார்கள். மகள் நிசாவிற்கு இன்று 18வது பிறந்தநாள். மகள் 18 வயதைத் தொடுவது குறித்து அவருக்கு நெகிழ்ச்சியான பிறந்தநாள் பதிவு ஒன்றைப் பதிவிட்டுள்ளார் கஜோல்.

“நீ பிறந்தபோது நான் மிகவும் பதட்டமாக இருந்தேன். அது என்னுடைய வாழ்க்கையின் மிகப் பெரும் பரீட்சையாக இருந்தது. அந்த பயமும் உணர்வும் என்னிடம் குறைந்தபட்சம் ஒரு வருடம் இருந்தது. பின்னர் உனக்கு 10 வயது ஆனது. நான் ஒரு ஆசிரியராக உணர்ந்தேன், புதிய வழிகளைக் கற்றுக் கொள்ளவும், அவற்றைப் பார்ப்பதற்கும், பெரும்பாலான நேரங்களில் ஒரு மாணவியாகவும் இருந்தேன்.

இப்போது இன்றைய நாளில் வந்துவிட்டோம். நான் பறக்கும் வண்ணங்களுடன் தேர்வு பெற்றுவிட்டேன். பெண்கள் எப்போதும் உயரப் பறக்க வேண்டும் என் அன்பே. உன்னுடைய பிரகாசத்தை எப்போதும் கீழிறக்கிக் கொள்ளாதே. இனிய இளமைப்பருவம். உன்னிடம் கருவிகள் இருக்கின்றன, அதனால் உனது சக்தியை நல்லதுக்கு மட்டுமே பயன்படுத்து,” என மகளுக்கு பிறந்தநாள் வாழ்த்துகளைத் தெரிவித்துள்ளார்.

“அன்பு நிசாவுக்கு இனிய பிறந்தநாள் வாழ்த்துகள். இப்போதைய அழுத்தமான மனநிலையில் இது போன்ற சிறிய மகிழ்ச்சிகளே 'பிரேக்' ஆக அமையும். குணமாக வேண்டிய அனைவருக்கும் எனது நேர்மையான பிரார்த்தனைகள்,” என அப்பா அஜய் தேவகனும் மகளை வாழ்த்தியுள்ளார்.

• 
  அல்லு அர்ஜுனை இயக்கும் அட்லி
• 
  மாஸ்டர் மகேந்திரன் ஹீரோவாக நடிக்கும் கரா
• 
  ஜெயம் ரவி கூட்டணியில் இருந்து வெளியேறிய இயக்குனர்
• 
  கண்களால் விஜய் பட வாய்ப்பை இழந்த பிக்பாஸ் வின்னர் ராஜூ
• 
  24 ஜேம்ஸ்பாண்ட் படங்கள் ஓடிடியில்…

• 
  குழந்தை பற்றிய அறிவிப்பை வெளியிட்ட பிரியங்கா சோப்ரா
• 
  சன்னி லியோனை பின்தொடரும் 50 மில்லியன் பேர்
• 
  அல்லு அர்ஜுன் ஹிந்திப் பட சிக்கலுக்குத் தீர்வு
• 
  பிகினி புகைப்படத்தை பதிவிட்ட ஜான்வி கபூர்
• 
  பூனம் பாண்டேவை கைது செய்ய தடை போட்ட உச்சநீதிமன்றம்!