Dinamalar

25வது படத்தில் விதார்த்

ஜூனியர் ஆர்ட்டிஸ்டாக இருந்த விதார்த், மைனா படத்தின் மூலம் புகழ்பெற்றார். அதன்பிறகு முதல் இடம், மயிலு, ஜன்னல்ஓரம், வெண்மேகம், பட்டய கிளப்பணும் பாண்டியா, காடு, ஆள், குற்றமே தண்டனை, ஒரு கிடாயின் கருணை மனு, குரங்கு பொம்மை, வண்டி, சித்திரம் பேசுதடி 2ம் பாகம் உள்பட பல படங்களில் நடித்தார். தற்போது என்றாவது ஒரு நாள், அன்பறிவ், ஆற்றல், அஞ்சாமை, ஆயிரம் பொற்காசுகள் படங்களில் நடித்து வருகிறார்.

தற்போது விதார்த் தனது 25வது படத்திற்கு வந்துள்ளார். பெஞ்ச்மார்க் பிலிம்ஸ் நிறுவனம் தயாரித்து வரும் இந்தப் படத்தை சீனிவாசன் இயக்கி வருகிறார். இவர் விஜய் ஆண்டனி நடிப்பில் வெளியான அண்ணாதுரை படத்தை இயக்கியவர் . த்ரில்லர் பாணியில் இந்தப் படம் உருவாகிறது.

விதார்த்துடன் தன்யா பாலகிருஷ்னன், விக்ரம் ஜெகதீஷ், பவுலின் ஜெசிகா, மாரிமுத்து, மூனார் ரமேஷ், அஜய், வினோத் சாகர், மூர்த்தி, சுபா வெங்கட், பேபி ஜனனி உள்ளிட்ட பலர் நடிக்கிறார்கள். விவேக் ஆனந்த் ஒளிப்பதிவு செய்கிறார்.

படம் பற்றி இயக்குனர் சீனிவாசன் கூறியதாவது: 6 பகல்கள் மற்றும் 7 இரவுகளில் நடப்பதாக கதை அமைக்கப்பட்டுள்ளது. நாயகனுக்கு வரும் கனவுகளை மையப்படுத்திப் பரபரப்பாக நகரும் ஹாலிவுட் பாணியிலான படம்.

படத்தில் இசை முக்கிய பங்கு வகிப்பதால் முன்னணி இசையமைப்பாளர்களுடன் பேச்சுவார்த்தை நடந்து வருகிறது. படத்தின் தலைப்பு, டீஸர், ட்ரெய்லர் பற்றிய அறிவிப்புகள் விரைவில் அதிகாரபூர்வமாக வெளியாகவுள்ளது. என்றார்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  'கனிமா'வைத் தொடர்ந்து 'ஜிங்குச்சா' : மீண்டும் ஒரு திருமணப் பாடல்
• 
  'பெத்தி' படத்தில் இணைகிறாரா காஜல் அகர்வால்?
• 
  'கூலி' படத்தில் நடித்துள்ள 'குட் பேட் அக்லி' பிரபலம்!
• 
  ரெட்ரோ படத்தின் தணிக்கை மற்றும் நீளம் குறித்து தகவல் இதோ!
• 
  ஆன் ஸ்க்ரீன் என்னோட குரு கமல்ஹாசன் - சிலம்பரசன் பேச்சு