Dinamalar

வலிமை படம் குறித்து மற்றுமொரு அப்டேட்

வினோத் இயக்கத்தில் அஜித் நடித்து வரும் வலிமை படம் தொடங்கப்பட்டபோது அந்த படத்தில் அஜித் போலீசாக நடிப்பதாக செய்தி வெளியிட்டவர்கள், அதன்பிறகு அப்படம் குறித்த எந்தவொரு அப்டேட்டையும் வெளியிடவில்லை. இதனால் சோசியல் மீடியாவில் வலிமை படத்தின் அப்டேட் கேட்டு அஜித்தின் ரசிகர்கள் நொந்து போனார்கள்.

இந்நிலையில், ஐதராபாத்தில் ஒரு ரசிகர் அஜித்திடம் இதுப்பற்றி கேட்டபோது, பிப்ரவரியில் வலிமை அப்டேட் வெளியாகும் என்று கூறியிருந்தார். அதன்பிறகு வலிமையில் நடித்துள்ள நடிகை சங்கீதாவும் பிப்ரவரியில் வலிமை அப்டேட் இருக்கும் என்றார். அதேபோல் நேற்று இசையமைப்பாளர் யுவன்சங்கர் ராஜா, வலிமை படத்தில் அஜித் பாடும் ஓப்பனிங் பாடலை டைரக்டர் விக்னேஷ் சிவன் எழுதியிருப்பதாக அப்டேட் கொடுத்திருந்தார்.

இந்தநிலையில் தற்போது வலிமை பட தயாரிப்பாளரான போனிகபூரும் ஒரு பேட்டியில் வலிமை படம் குறித்தும் ஒரு தகவல் வெளியிட்டுள்ளார். அதில், பிப்ரவரி 15-க்குள் வலிமை படப்பிடிப்பு முடிகிறது. அதையடுத்து ஒரேயொரு சண்டை காட்சி மட்டும் வெளிநாட்டில் படமாக்கப்பட உள்ளது. அதையடுத்து இறுதிக்கட்ட பணிகள் தொடங்கப்பட்டு ரிலீஸ் தேதி உறுதி செய்யப்படும் என்றும் தெரிவித்திருக்கிறார். இதை வைத்துப்பார்க்கையில் கோடை விடுமுறையில் வலிமை திரைக்கு வந்து விடும் என்று தெரிகிறது.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  ''அப்பா ஒரு குழந்தை; ஆதாரமற்ற வதந்திகளை பரப்பாதீர்கள்'' - ஏ.ஆர்.ரஹ்மான் ...
• 
  அழகுக்காக ஸ்ரீதேவி பட்ட சிரமம் : போனி கபூர் தகவல்
• 
  'வேவ்ஸ்' ஓ.டி.டி., தளம் : பிரசார் பாரதி துவக்கம்
• 
  நவ.26ம் தேதியில் விடுதலை-2 படத்தின் இசை வெளியீட்டு விழா
• 
  தெலுங்கில் அறிமுகமாகும் மமிதா பைஜூ