Dinamalar

50 சதவீதம் என்றால், ஒன்லி மாஸ்டர், நோ ஈஸ்வரன் ?

தமிழ்நாட்டில் தியேட்டர்களில் 100 சதவீத இருக்கைக்கு அனுமதி என மாநில அரசு அளித்த உத்தரவு சரியல்ல என மத்திய அரசு தரப்பில் தெரிவிக்கப்பட்டது. இதையடுத்து மாநில அரசு அதன் உத்தரவைத் திரும்பப் பெறும் எனத் தெரிகிறது. இன்று அதற்கான அறிவிப்பு வெளியாகலாம் என எதிர்பார்க்கப்படுகிறது.

இதனிடையே, மாநில அரசு தியேட்டர்களில் 50 சதவீத இருக்கைகளுக்கு மட்டுமே அனுமதி வழங்கினால் 'மாஸ்டர்' படத்தை மட்டுமே திரையிடும் முடிவில் தியேட்டர்காரர்கள் வந்துள்ளதாகத் தகவல் வெளியாகி உள்ளது. பொங்கலை முன்னிட்டு வெளியாவதாக அறிவிக்கப்பட்ட 'ஈஸ்வரன்' படத்தை இரண்டு வாரங்களுக்குப் பிறகு திரையிடலாம் என முடிவெடுத்துள்ளார்களாம்.

50 சதவீத இருக்கைகளில் இரண்டு படங்கள் போட்டியிடுவது சரியல்ல. முதலில் பட வெளியீட்டை அறிவித்த 'மாஸ்டர்' படத்திற்கு முன்னுரிமை கொடுக்கவும், அப்படம் வெளிவரும்பட்சத்தில் மக்கள் தியேட்டர்களுக்கு அதிகம் வருவார்கள் என்றும் தியேட்டர்காரர்கள் கருதுகிறார்களாம்.

இந்த யோசனைக்கு 'ஈஸ்வரன்' தயாரிப்பாளர் முன்வருவாரா என்பதுதான் இப்போதைய கேள்வி. அவரும் ஜனவரி 14 அன்று படத்தை வெளியிட கடந்த ஒரு வாரமாகவே விளம்பரப்படுத்தி வருகிறார். இப்போது படம் வரவில்லை என்றால் விளம்பரம் செய்த அந்த நஷ்டத்தை யார் ஏற்றுக் கொள்வது என்ற கேள்வி வரும்.

சூழ்நிலைக்கேற்ப தியேட்டர் சங்கத்தினர் முடிவெடுத்துக் கொள்ள அதன் உறுப்பினர்கள் அனைவரும் ஆதரவு தெரிவித்துள்ளதாகவும் தகவல். இதனால், 'மாஸ்டர்' படம் ஜனவரி 13 அன்று வெளிவருவது உறுதி என்றே சொல்கிறார்கள்.

• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...

• 
  ரஹ்மான் எனக்கு அப்பா மாதிரி: சர்ச்சைக்கு முற்றுப்புள்ளி வைத்த மோகினி டே
• 
  லோகேஷ் கனகராஜ் அந்த விஷயத்தில் தலையிடுவதில்லை : சிலாகிக்கும் நாகார்ஜுனா
• 
  இன்னும் ஏழே நாளில் படப்பிடிப்பு முடிகிறது: 'புஷ்பா 2' விழாவில் ...
• 
  அல்லு அர்ஜுனிடம் இயக்குனர் நெல்சன் வைத்த கோரிக்கை
• 
  பெண்கள் பாதுகாப்பு - விஜய் வெளியிட்ட அறிக்கை