ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் | வாக்காளர் பட்டியலில் மமிதா பைஜூ பெயர் நீக்கம் | காதலரின் புகைப்படங்களை நீக்கிய ஸ்ருதிஹாசன் : முடிவுக்கு வந்ததா காதல்? | ஜூலை மாதத்தில் வெளியாகும் ராயன் | சிவகார்த்திகேயன் படத்திற்காக 14 ஆண்டுகளுக்கு பிறகு தமிழுக்கு திரும்பும் மலையாள நடிகர் |
சிவகார்த்திகேயன் தயாரிப்பில் அவரது நண்பரும், பாடகருமான அருண்ராஜா காமராஜ் இயக்கிய கனா படம், கடந்த வெள்ளிக்கிழமை வெளிவந்தது. இது கிரிக்கெட் கனவு கண்டு அதனை எதிர்நீச்சல் போட்டு, உலக கோப்பையை வெல்லும் ஒரு கிராமத்து பெண்ணின் கதை. இந்தக்கதை பள்ளி மாணவர்களுக்கு விளையாட்டு ஆர்வத்தையும், தன்னம்பிக்கையையும் கொடுக்கும் விதமாக அமைந்துள்ளது.
இந்தப் படத்தை பள்ளி நிர்வாகங்கள் தங்கள் மாணவர்களுக்கு காட்ட ஆர்வம் காட்டுகின்றன. இதனால் தயாரிப்பாளர் சிவகார்த்திகேயனும், இயக்குனர் அருண்ராஜா காமராஜும் இணைந்து விருப்பும் பள்ளிகளின் அருகில் உள்ள தியேட்டரில் கனா படத்தை காட்ட ஏற்பாடு செய்து வருகிறார்கள். இதுகுறித்து இயக்குனர் அருண்ராஜா காமராஜ் கூறியதாவது:
ஒரு திரைப்படம் திரையரங்குகளில் நன்றாக ஓடும்போது, வர்த்தக ரீதியாக வெற்றிகரமாக கருதப்படும். ஆனால் பல பள்ளிகள், கல்லூரிகள் மற்றும் கல்வி நிறுவனங்கள் சிறப்பு திரையிடலுக்காக எங்களை அணுகுவதை நான் நினைத்து கூட பார்க்கவில்லை. மேலும், ரசிகர்களின் வாய்வழி செய்தி மூலம் மிகப்பெரிய விளம்பரமாகி, திரையரங்குகள் எண்ணிக்கை படிப்படியாக அதிகரித்து வருகிறது. படத்தை தங்கள் மாணவர்களுக்கு காட்ட விரும்பும் பள்ளிகள் எங்களை அணுகினால், உரிய உதவிகள் செய்த தர காத்திருக்கிறோம். என்றார்.