Dinamalar

மீண்டும் நடிக்க வந்த ஜெனிலியா

தமிழ்த் திரையுலகத்தில் குறைவான படங்களில் நடித்தாலும் 'சச்சின், சந்தோஷ் சுப்பிரமணியம்' படங்கள் மூலம் ரசிகர்களைக் கவர்ந்தவர் ஜெனிலியா. தமிழ், தெலுங்கு, ஹிந்தி, மலையாளம் ஆகிய மொழிகளில் நடித்திருக்கிறார். 2012ம் ஆண்டு ஹிந்தி நடிகர் ரித்தேஷ் தேஷ்முக்கைத் திருமணம் செய்து கொண்டு இல்லற வாழ்க்கைக்குள் நுழைந்தார். அவர்களுக்கு இரண்டு மகன்கள் உள்ளனர். திருமணத்திற்குப் பின் நடிப்பதை நிறுத்தியிருந்தார் ஜெனிலியா.

சுமார் 6 வருடங்கள் கழித்து அவர் தயாரிக்க அவரது கணவர் ரித்தேஷ் கதாநாயகனாக நடித்துள்ள 'மௌலி' படத்தில் ஒரு பாடலுக்கு நடனமாடியுள்ளார். இந்த ஆறு வருடங்களில் ஒரு ஹிந்தி, ஒரு மராத்தி படத்தில் சில வினாடிகள் மட்டுமே இடம் பெறும் சிறப்புத் தோற்றத்தில் வந்தார். இப்போது ஒரு பாடலுக்கு நடனமாடி உள்ளார். விரைவில் நாயகியாக நடித்தாலும் ஆச்சரியப்படுவதற்கில்லை.

ஜெனிலியா மீண்டும் நடிக்க வந்தது பற்றி ரித்தேஷ் கூறுகையில், “படத்தில் ஸ்பெஷல் பாடல் ஒன்று வைக்க வேண்டும் என்று நினைத்த உடனேயே, அதில் ஜெனிலியா மட்டுமே நடிக்க வேண்டும் என்று முடிவெடுத்தோம்,” என்றார். கணவருடன் நான்கு வருடங்கள் கழித்து மீண்டும் திரையில் தோன்றுகிறார் ஜெனிலியா.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  ‛தளபதி கச்சேரி' பிளாஸ்ட் : ‛ஜனநாயகன்' முதல் பாடல் வெளியீடு
• 
  கோவா திரைப்பட விழாவிற்கு செல்லும் ‛அமரன்'
• 
  ஜெயிலர் 2 படத்தை பாலகிருஷ்ணா எதனால் நிராகரித்தார்?
• 
  சைபர் கிரைம் மோசடி - ருக்மணி வசந்த் எச்சரிக்கை செய்தி
• 
  2026 பிப்ரவரியில் திரைக்கு வரும் வெங்கட் பிரபுவின் பார்ட்டி