Dinamalar

நமீதாவின் அகம்பாவம்

திருமணத்திற்கு பிறகு நடிக்காமல் இருந்தார் நமீதா. பல கதைகளை கேட்டும் பிடிக்காமல் இருந்து வந்த அவர், தற்போது அகம்பாவம் என்ற படத்தில் நடிக்கிறார். சத்ரபதி படத்தை இயக்கிய ஸ்ரீமகேஷ் இயக்க, வாராகி வில்லனாக நடிப்பதுடன், தயாரிக்கவும் செய்கிறார்.

இவர்களுடன், மனோபாலா, மாரிமுத்து, அப்புக்குட்டி, நாடோடிகள் கோபால், ஜாக்குவார் தங்கம் மற்றும் பலர் நடிக்கின்றனர். இந்தப்படத்திற்காக 10 உடல் எடை குறைத்துள்ள நமீதா, பத்திரிகையாளராக நடிக்கிறார்.

பெண் போராளிக்கும் ஜாதியை வைத்து அரசியல் பண்ணும் ஒரு மோசமான அரசியல்வாதிக்கும் இடையே நடக்கும் யுத்தம் தான் இந்த அகம்பாவம் படத்தின் கதை. வாராகி தன் நிஜ வாழ்க்கையில் சந்தித்த கொடூரமான நிகழ்வுகளை கதையாக்க, அதற்கு திரைக்கதை, வசனங்கள் எழுதி இயக்குகிறார் ஸ்ரீமகேஷ்.

கோலிசோடா, சண்டிவீரன் படங்களுக்கு இசையமைத்த அருணகிரி இசையமைக்கிறார். இதன் படப்பிடிப்பு துவங்கி உள்ளது. முதற்கட்டமாக கோர்ட்டில் நடக்கும் கிளைமாக்ஸ் காட்சியை நான்கு நாட்கள் படமாக்குகின்றனர். தமிழ்சினிமாவில் நீதிமன்றம் ஒன்றில் ஒரு பெண் ஒருவரின் துணிச்சலான வாதம், இருபது நிமிட க்ளைமாக்ஸ் காட்சியாக இந்தப் படத்தில் இடம்பெறுகிறது. இந்த க்ளைமாக்ஸ் காட்சி முழுதும் நமீதாவின் நடிப்புத் திறமையை வெளிக்கொண்டுவரும் என அடித்து சொல்கிறார் இயக்குநர் ஸ்ரீமகேஷ். அதுமட்டுமல்ல இன்னொரு பக்கம் ஆக்சனிலும் அசத்த இருக்கிறாராம் நமீதா.

• 
  84 கோடி ரூபாய் நஷ்ட ஈடு வழக்கு : தனுஷ் பட இயக்குனர் விளக்கம்
• 
  ஆண்கள் பற்றி எந்த கமெண்ட்டும் சொல்லாத தபு
• 
  'சங்கராந்திகி வஸ்துனம்' ஹிந்தி ரீமேக்கில் மீனாட்சி சவுத்ரி வேடத்தில் ...
• 
  'பார்டர் 2' படக்குழு வெளியிட்ட 'தி பிரேவ்ஸ் ஆப் த சாயில்' டிரைலர்
• 
  அமிதாப்பச்சன் வீட்டில் தங்க கழிப்பறையா : பரபரப்பு கிளப்பிய பாலிவுட் ...

• 
  ஜனநாயகன் பட வழக்கில் ஜன., 27ல் தீர்ப்பு
• 
  அஜித் 64ல் நிறைய சர்ப்ரைஸ் இருக்கு : ஆதிக் ரவிச்சந்திரன்
• 
  மீண்டும் ஒரு தெலுங்கு படத்தில் நடிக்கும் பிரீத்தி முகுந்தன்
• 
  மணிகண்டன் படத்தை இயக்கும் தேசிங்கு பெரியசாமி
• 
  விஜய்க்கு தம்பியாக தனுஷ் : இயக்குனர் ஏ.வெங்கடேஷ் சொன்ன தகவல்