Dinamalar

அறம் - தெலுங்கிலும் எதிர்பார்ப்பு

தெலுங்கிலிருந்து தமிழுக்கு டப்பிங் ஆகி வரும் படங்களை விட தமிழிலிருந்து தெலுங்கிற்கு டப்பிங் ஆகும் படங்கள் கொஞ்சம் அதிகம் தான். முன்னணி நடிகர்கள் நடிக்கும் படங்களை தெலுங்கில் உடனே டப்பிங் செய்து வெளியிட்டு விடுகிறார்கள். அதில் சில படங்கள் நல்ல வசூலைப் பெற்று லாபத்தையும் பெறுகின்றன.

தமிழில், கடந்த ஆண்டு வெளிவந்த படங்களில் அனைவரது பாராட்டையும் பெற்ற படமாக அமைந்தது நயன்தாரா நடித்த அறம். அறிமுக இயக்குனர் கோபி நயினார் இயக்கத்தில் வெளிவந்த இந்தப் படம், தெலுங்கில் கர்த்தவ்யம் என்ற பெயரில் டப்பிங் ஆகி நாளை வெளியாக உள்ளது.

விஜயசாந்தி நடித்து கர்த்தவ்யம் என்ற பெயரில் 1990ம் ஆண்டு வெளிவந்த படம் மாபெரும் வெற்றி பெற்றது. விஜயசாந்தி ஐபிஎஸ் அதிகாரியாக நடித்த அந்தப் படம் தமிழிலும் வைஜெயந்தி ஐபிஎஸ் என்ற பெயரில் டப்பிங் ஆகி இங்கும் வெற்றி பெற்றது.

தெலுங்கு ரசிகர்களுக்கு நன்றாகத் தெரிந்த கர்த்தவ்யம் என்ற பழைய படத்தின் பெயரில் அறம் வெளியாவதால் அதுவே பெரிய அறிமுகம் தான். இப்படத்தை சில நாட்களுக்கு முன் மீடியாக்களுக்கும், பிரபலங்களுக்கும் திரையிட்டுள்ளார்கள். படத்தைப் பார்த்த பலரும் பாராட்டியுள்ளார்கள். தெலுங்கிலும் இப்படத்திற்கு நல்ல வரவேற்பு கிடைக்கும் என்ற எதிர்பார்ப்பு இதன் மூலம் எழுந்துள்ளது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா