அரசு மக்களுக்கு விரோதமாக இருந்தால் விருதுகளை வாங்க மாட்டேன்: விஜய் சேதுபதி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

26 செப், 2017 - 10:37 IST

எழுத்தின் அளவு:

விஜய் சேதுபதி, தான்யா, பாபி சிம்ஹா, பசுபதி நடித்துள்ள படம் கருப்பன். ஸ்ரீ சாய் பிலிம்ஸ் சார்பில் ஏ.எம்.ரத்னம் தயாரித்துள்ளார். ரேணிகுண்டா பன்னீர் செல்வம் இயக்கி உள்ளார். வருகிற 29ந் தேதி படம் வெளிவருகிறது. படம் பற்றிய செய்தியாளர் சந்திப்பில் விஜய் சேதுபதி பேசியதாவது:

விக்ரம் வேதா வெளிவந்தபோது எனக்குள் ஒரு பதட்டம் இருந்தது. காரணம் அந்த கேரக்டரில் மக்கள் என்னை ஏற்றுக் கொள்வார்களா மாட்டார்களா என்ற தயக்கம். ஆனால் கருப்பன் படத்தை பொருத்தவரை அந்த தயக்கம் இல்லை. காரணம் இது நம் மண் சார்ந்த கதை. ஒரு பெஸ்டிவல் மூட் உள்ள கதை. இந்தப் படம் எப்படியும் வெற்றி பெறும் என்பது தெரியும். அந்த நம்பிக்கையில்தான் குறுகிய காலத்தில் இதனை வெளியிடுகிறாம். இதில் நான் மாடுபிடி வீரனாக நடித்திருக்கிறேன். கணவன், மனைவிக்கு இடையிலான அன்பை சொல்கிற படம். என்றார்.

"இன்றைக்கு மத்திய அரசு நீட் தேர்வு, நவோதயா பள்ளி என்று தமிழக அரசு மீது அழுத்தம் கொடுத்து வருகிறது. இந்த மாதிரி ஒரு சூழ்நிலையில் உங்களுக்கு தேசிய விருது அறிவிக்கப்பட்டால் அதனை பெற்றுக் கொள்வீர்களா?" என்று கேட்கப்பட்ட கேள்விக்கு பதில் அளித்த விஜய் சேதுபதி.

"இது கொஞ்சம் அட்வான்சான கேள்வி. இருந்தாலும் பதில் சொல்கிறேன். நீட் தேர்வால் ஒரு உயிரை பறிகொடுத்திருக்கிறோம். இதுபோன்ற ஒரு காலகட்டத்தில் எனக்கு விருது அறிவிக்கப்பட்டால் அதை நான் பெற்றுக் கொள்ள மாட்டேன். விருதை விட என் மக்களின் உணர்வே எனக்கு முக்கியம்" என்றார்.

vijaysethupathi

karuppan

karuppanpressmeet

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய