Dinamalar

இயக்குனர் வேலு பிரபாகரன், தன்னை விட 30 வயது குறைவான நடிகையுடன் திடீர் திருமணம்

நாளைய மனிதன், அதிசய மனிதன், கடவுள், புரட்சி காரன், காதல் அரங்கம் உள்ளிட்ட பல படங்களை இயக்கிய பிரபல இயக்குநர், நடிகர், தயாரிப்பாளர், மற்றும் ஒளிப்பதிவாளர் வேலு பிரபாகரன். இவர் இன்று(ஜூன் 3-ம் தேதி) தன்னை விட சுமார் 30 வயது குறைந்த நடிகை ஷெர்லி தாஸை பத்திரிகையாளர்கள் முன்னிலையில் மோதிரம் மாற்றி காலை 10.10 மணிக்கு சென்னை நுங்கம்பாக்கம் லீமேஜிக் லேட்டீரின் பிரிவியூ தியேட்டரில் திருமணம் செய்து கொண்டார். அவர் இயக்கத்தில் வெளியாகியுள்ள "ஒரு இயக்குனரின் காதல் டைரி" படத்தின் பத்திரிகையாளர் காட்சிக்கு வந்திருந்த வேலு பிரபாகரன் மற்றும் ஷெர்லி, பத்திரிகையாளர்கள் முன்னிலையில் மோதிரம் மாற்றி திருமணம் செய்து கொண்டார்.

அதன்பின் பத்திரிகையாளர்களை சந்தித்த வேலு பிரபாகரன் - ஷெர்லிதாஸ் திருமண ஜோடியினர், பத்திரிகையாளர்களின் கேள்விகளுக்கு பதில் அளித்தனர். அதில், தனக்கு 60 வயது என்றும் 15 வருடமாக ஷெர்லியை தெரியும் என்றும், என் திரையுலக புரட்சி பாதைக்கு தக்க துணையாக ஷெர்லி இருப்பார் என கருதி அவரை உங்கள் முன் துணையாக்கி கொண்டேன். இதன் பின் ரிஜிஸ்தர் மேரேஜ் செய்து கொள்ள இருக்கிறோம் என்றார்.

நடிகை ஷெர்லிதாஸ் கூறும்போது, இடையில் ஐந்தாறு ஆண்டுகள் வெளிநாட்டில் இருந்தேன். திரும்பி வந்ததும் காதல் அரங்கம் பட சமயத்தில் இருந்து இவர் மீதும், அவரது ஹானஸ்ட் மற்றும் உண்மை பேசும் தன்மையால் ஈர்க்கப்பட்டு திருமணம் செய்து கொள்கிறேன். சட்டப்படி பதிவு திருமணம் செய்து கொள்ள போகிறேன் என்றார்.

இத்திருமணம் நியாயம் தானா..? எனும் கேள்விக்கு, அது பற்றி பிறகு பேசுவோம்... என்ற வேலு பிரபாகரன், புது வடிவில் மீண்டும் ரிலீஸ் ஆகியிருக்கும் தனது, "ஒரு இயக்குனரின் காதல் டைரி" படத்தை பத்திரிகையாளர்களுக்கு திரையிட சொல்லிவிட்டு தன் புது ஜோடியுடன் வெளியேறினார்.

வேலு பிரபாகரன், ஏற்கனவே ஜெயதேவி எனும் நடிகை மற்றும் பெண் படத்தயாரிப்பாளருடன் புரட்சி திருமணம் நடைபெற்று சில ஆண்டுகள் வாழ்ந்து விவாகரத்து பெற்றவர் என்பவர் குறிப்பிடத்தக்கது.

• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்

• 
  என் படங்களுக்காக ரசிகர்களை எதிர்ப்பார்ப்புடன் காத்திருக்க வைப்பேன்! - ...
• 
  விளையாட்டால் நிகழும் பிரச்னையே ‛கேம்' : சொல்கிறார் ஷ்ரத்தா ஸ்ரீநாத்
• 
  ஜீவாவின் 'தலைவர் தம்பி தலைமையில்' படத்தின் பர்ஸ்ட் லுக் போஸ்டர் ...
• 
  கமல் பிறந்தநாள் : ரீ-ரிலீஸாகும் ‛நாயகன்'
• 
  படிப்புக்கும் நடிப்புக்கும் சம்பந்தமில்லை: பள்ளிகால அனுபவம் பகிர்ந்த ...