குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி | ஜப்பானில் வெளியாகும் 777 சார்லி ரிலீஸ் தேதி அறிவிப்பு | பவன் கல்யாண் பட டைட்டிலில் சமந்தா நடிக்கும் புதிய படம் | 7 ஆண்டுகளுக்கு பிறகு திரையில் வருகிறார் அதிதி பொஹங்கர் | மேக்-அப் அறையில் அடைத்து சித்ரவதை : டிவி நடிகை பரபரப்பு புகார் | இன்னும் 6 நாட்களில் ஓடிடிக்கு வரும் 'மஞ்சும்மேல் பாய்ஸ்' | பிளாஷ்பேக்: 14 வயதில் பாட்டு... 21 வயதில் தேசிய விருது... 37 வயதில் மரணம் |
சென்னையில், நடைபெற்ற 62வது பிலிம்பேர் விருது வழங்கும் விழாவில் கடந்த வருடத்திய சிறந்த மலையாள நடிகராக மம்முட்டிக்கு விருது வழங்கப்பட்டுள்ளது. 'வர்ஷம்' படத்தில் மகனை இழந்து வாடும் தந்தையாக சிறந்த நடிப்பை வெளிப்படுத்தியதற்காக அவருக்கு இந்த விருது வழங்கப்பட்டுள்ளது. அதுமட்டுமல்ல, மம்முட்டி நடித்த இன்னொரு படமான 'முன்னறியிப்பு' சிறந்த மலையாளப்படமாக விருதுபெற்றுள்ளது. வேணு என்பவர் இயக்கியிருந்த இந்தப்படத்தில் சிறைக்கைதியாக மிகவும் அற்புதமாக நடித்திருந்தார் மம்முட்டி.
சிறந்த இயக்குனருக்கான விருது 'பெங்களூர் டேய்ஸ்' படத்தை இயக்கிய அஞ்சலி மேனனுக்கு வழங்கப்பட்டது. சிறந்த நடிகைக்கான விருதை 'ஹவ் ஓல்டு ஆர் யூ' படத்தில் நடித்ததற்காக மஞ்சு வாரியர் தட்டிச்சென்றார். சிறந்த புதுமுக நடிகையாக '1983' படத்தில் அறிமுகமான நிக்கி கல்ராணிக்கும், விமர்சன ரீதியாக பாராட்டப்பட்ட சிறந்த நடிகருக்காக அதே '1983' படத்தில் கதாநாயகனாக நடித்த நிவின்பாலிக்கும் விருது வழங்கப்பட்டது.
'பெங்களூர் டேய்ஸ்' படத்தில் மாற்றுத்திறனாளியாக அற்புதமான நடிப்பை வெளிப்படுத்திய பார்வதிக்கு சிறந்த துணை நடிகைக்கான விருது கிடைத்துள்ளது. சிறந்த துணை நடிகருக்கான விருதை 'அப்போதேகேறி' படத்தில் வித்தியாசமான நோயினால் பாதிக்கப்பட்டவராக சிறப்பான நடிப்பை வெளிப்படுத்திய ஜெயசூர்யா அள்ளினார். இயக்குனர் ஐ.வி.சசிக்கு வாழ்நாள் சாதனையாளர் விருது வழங்கப்பட்டது.
'பெங்களூர் டேய்ஸ்' படத்தில் அற்புதமாக இசை ராஜாங்கம் நடத்தியிருந்த கோபிசுந்தர் சிறந்த இசையமைப்பாளருக்கான பிலிம்பேர் விருதை பெற்றார். அதே படத்தில் பாடிய ஹரிசரணுக்கு சிறந்த பாடகர் விருதும், 'ஹவ் ஓல்டு ஆர் யூ' படத்தில் பாடிய சிறந்த பாடகிக்கான விருதும் வழங்கப்பட்டது. '1983' படத்தில் சூப்பர்ஹிட்டான மெலோடி பாடலான 'ஓலஞ்சாலி குருவி' பாடலை எழுதிய ஹரி நாராயணன் சிறந்த பாடகருக்கான விருதை பெற்றார்.