Dinamalar

கேரள அரசு சினிமா ஸ்டுடியோ திறப்பு விழாவை புறக்கணித்த மலையாள திரைப்பட சங்கங்கள்

கேரள அரசின் சார்பில் மலையாள திரை உலகில் கடந்த பல வருடங்களாக 'சித்ராஞ்சலி ஸ்டுடியோ' திருவனந்தபுரத்தில் செயல்பட்டு வருகிறது. சமீப காலமாக இந்த ஸ்டுடியோவை நவீனமயமாக்க புதுப்பிக்கப்படும் பணிகள் நடைபெற்று வந்தன. தற்போது பணிகள் முடிந்துள்ள நிலையில் நேற்று இதன் துவக்க விழா அரசு சார்பில் நடைபெற்றது. ஆனால் ஆச்சரியமும் அதிர்ச்சியும் தரும் விதமாக மலையாள திரை உலகைச் சேர்ந்த நடிகர்கள், இயக்குனர்கள், தயாரிப்பாளர்கள் மற்றும் தொழிலாளர்கள் சங்கம் என எந்த ஒரு சங்கத்தை சேர்ந்தவர்களும் இந்த விழாவில் கலந்து கொள்ளாமல் புறக்கணித்துள்ளனர்.

காரணம் கடந்த சில மாதங்களுக்கு முன்பு பல்வேறு கோரிக்கைகளை அரசாங்கத்திடம் வலியுறுத்தி அவை நிறைவேற்றப்படாத காரணத்தால் வேலை நிறுத்தம் செய்யப் போவதாக மலையாள திரையுலகம் அறிவித்தது. அதன் பிறகு அவர்களின் கோரிக்கைகளை நிறைவேற்றுவதாக அரசு அளித்த வாக்குறுதியை தொடர்ந்து போராட்டத்தை கைவிட்டது. ஆனால் சமீபத்தில் அறிவிக்கப்பட்ட பட்ஜெட்டிலும் திரையுலகம் சார்பான கோரிக்கைகள் எதையும் தீர்க்கும் விதமாக அறிவிப்புகள் இல்லை. இதனால் தங்களை ஒதுக்கும் கேரள அரசுக்கு தங்களது எதிர்ப்பை தெரிவிக்கும் விதமாகத்தான் தற்போது இந்த சித்ராஞ்சலி ஸ்டுடியோ திறப்பு விழாவில் கலந்து கொள்ளாமல் மலையாள சங்கங்கள் புறக்கணித்துள்ளன என்கிற தகவல் வெளியாகி உள்ளது.

• 
  பாலிவுட் நடிகை கேரளாவில் திடீர் திருமணம்
• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...

• 
  மகேஷ் பாபு ரசிகர்களிடம் மன்னிப்பு கேட்ட பவன் கல்யாண் பட இயக்குனர்
• 
  தள்ளிப்போகிறதா 'பேட்ரியாட்' ரிலீஸ் ? தேதி குறிப்பிடாமல் வெளியான ...
• 
  ஸ்வேதா மேனன் மீதான வழக்கை தள்ளுபடி செய்த உயர்நீதிமன்றம்
• 
  எக்கோ பட இயக்குனருக்கு இறால் பிரியாணி விருந்தளித்த பிரபாஸ்
• 
  அறிமுகப்படுத்திய இயக்குனருக்கு நன்றி சொன்ன மோகன்லால் மகள்