Dinamalar

லோகா படத்தில் நடிக்கும் வாய்ப்பு மிஸ் ஆனது ஏன் ? ; இயக்குனர் பஷில் ஜோசப்

மலையாள திரையுலகில் திறமையான இயக்குனராக 'கோதா, மின்னல் முரளி' என தனது சில படங்களிலேயே வெற்றி முகம் கண்டவர் இயக்குனர் பஷில் ஜோசப். அதேசமயம் கடந்த சில வருடங்களாகவே டைரக்ஷனை ஒதுக்கி வைத்து விட்டு பிசியான நடிகராக பல படங்களில் நடித்து வருகிறார். குறிப்பாக நெகட்டிவ் கலந்த கதாபாத்திரங்களில் நடிப்பதற்கு மிகுந்த ஆர்வம் காட்டி வருகிறார்.

இந்த நிலையில் சமீபத்தில் மலையாளத்தில் கல்யாணி பிரியதர்ஷன் நடிப்பில் சூப்பர் உமன் கதையம்சம் கொண்ட 'லோகா சாப்டர் 1 சந்திரா' என்கிற திரைப்படம் வெளியானது. இதில் கதாநாயகனாக இளம் நடிகர் நஸ்லேன் நடித்துள்ளார். தவிற முக்கிய கதாபாத்திரங்களில் போலீஸ் அதிகாரியாக நடன இயக்குனர் சாண்டியும் இன்னொரு சிறப்பு தோற்றத்தில் நடிகர் டொவினோ தாமஸும் நடித்திருந்தனர்.

இந்த நிலையில் நடிகர் பஷில் ஜோசப் ஒரு பேட்டியில் கூறும்போது, “இயக்குனர் டொமினிக் அருண் இந்த படத்தின் கதை முழுவதையும் என்னிடம் சொல்லி இதில் ஒரு முக்கிய கதாபாத்திரத்தில் என்னை நடிக்கும்படி கேட்டார். ஆனால் சில காரணங்களால் என்னால் அதில் நடிக்க முடியாமல் போனது. அதில் வேறு ஒருவர் நடித்துள்ளார். அது எந்த கதாபாத்திரம் என நான் கூற விரும்பவில்லை. படம் வெளியானபின் தான் அதில் நடித்திருக்கலாமோ என தோன்றியது” என்று கூறியுள்ளார்.

ஆனாலும் ரசிகர்கள் இவர் நடிக்க மிஸ் பண்ணியது சாண்டி நடித்த போலீஸ் கதாபாத்திரத்திமா அல்லது கல்யாணியை காப்பாற்ற திடீரென சிறப்பு தோற்றத்தில் தோன்றும் டொவினோ தாமஸ் கதாபாத்திரத்திமா என விவாதம் நடத்தி வருகிறார்கள்.

• 
  'சங்கராந்திகி வஸ்துனம்' ரீமேக்கில் அக்ஷய்குமார்
• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...

• 
  பிளாஷ்பேக் : ரீமேக்கிலும் வெற்றி பெற்ற 'மார்க்கண்டேயா'
• 
  முன்னணி நடிகர்களின் படங்களுக்கு நீண்ட காத்திருப்பு
• 
  100 கோடி கிளப்பில் ‛பராசக்தி' : சிவகார்த்திகேயனுக்கு 5வது படம்
• 
  இப்பவும் கதை கேட்கும்போது துாங்குறீங்களா? : அஸ்வின் சொன்ன பதில்
• 
  விஜய் தேவரகொண்டா, ராஷ்மிகா மந்தனா திருமண ஏற்படுகள் தீவிரம்