Dinamalar

பிளாஷ்பேக்: சர்வதேச திரைப்பட விழாவில் திரையிடப்பட்ட முதல் தென்னிந்திய படம்

என்டிஆருக்கு திருப்புமுனையை தந்த படம் 'பாதாள பைரவி' வெளியாகி தற்போது 74 ஆண்டுகளை கடந்து 75வது ஆண்டு தொடங்கி உள்ளது. தமிழ், தெலுங்கில் ஒரே நேரத்தில் உருவாக்கப்பட்டு வெளியான இந்தப் படம் 200 நாட்களை கடந்து ஓடியது. அதிக நாட்கள் ஓடி, அதிக வசூலை கொடுத்த முதல் தெலுங்கு படம் என்ற பெயரையும் பெற்றது.

இந்த படத்தில் என்.டி.ராமராவுடன் எஸ்.வி. ரங்கா ராவ், மாலதி, சி.எஸ்.ஆர். ஆஞ்சநேயுலு, ரேலங்கி வெங்கட்ராமையா, பாலகிருஷ்ணா, பத்மநாபம், வல்லம் நரசிம்ம ராவ், நாராயண ராவ், மகாங்காளி வெங்கையா, சுரபி கமலாபாய், ஹேமலத்தம்மா ராவ், டி.ஜி. கமலா தேவி, கிரிஜா உள்பட பலர் நடித்தார்கள். இந்திய அளவில் மிகப்பெரிய தாக்கத்தையும் வரவேற்பையும் பெற்ற 100 படங்களில் பாதாள பைரவியும் இடம்பெற்றுள்ளது. இந்தப் படத்தில் நாயகனாக நடிக்க முன்னதாக நாகேஸ்வர ராவ் நாயகனாக தேர்ந்தெடுக்கப்பட்ட நிலையில் தவிர்க்க முடியாத நிலையில் அவரால் நடிக்க முடியாமல் போக, இந்த கேரக்டரில் புதுமுக நாயகனான என்டிஆர் நடித்திருந்தார்.

விஜயா புரொடக்ஷன் தயாரித்த இந்த படம் பிரபல தெலுங்கு எழுத்தாளர் மதிரா சுப்பண்ணா எழுதிய நாட்டுப்புற கதையை தழுவி உருவானது. கேவி ரெட்டி இந்தப் படத்தை இயக்கியிருந்தார். முதன் முதலில் சர்வதேச திரைப்பட விழாவில் திரையிடப்பட்ட தென்னிந்திய படம் என்ற பெருமையையும் பெற்றுள்ளது. கடந்த 1952ம் ஆண்டில் மும்பையில் நடைபெற்ற முதல் சர்வதேச திரைப்பட விழாவில் இந்தப் படம் திரையிடப்பட்டது. அதன்பிறகு 2023ம் ஆண்டு கோவா சர்வதேச திரைப்பட விழாவில் நவீன தொழில்நுட்பத்தில் மறு சீரமைப்பு செய்யப்பட்ட பாதாள பைரவி திரையிடப்பட்டது.

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  போன வாரம் புடவையில், இந்த வாரம் பிகினியில்…
• 
  நட்டி, அருண் பாண்டியன் இணைந்து நடிக்கும் ரைட்
• 
  பிணமாக நடித்துள்ள காளி வெங்கட் : அது பெரிய பாக்கியம் என்கிறார்
• 
  விஷால் வீட்டில் 4வது காதல் திருமணம்
• 
  'அமரன்' வெற்றியைத் தக்க வைத்துக் கொள்வாரா 'மதராஸி' ?