Dinamalar

அர்ஜுன் தாஸ் குரலைப் பாராட்டிய பவன் கல்யாண்

லோகேஷ் கனகராஜ் இயக்கத்தில் 2019ல் வெளிவந்த 'கைதி' படத்தின் மூலம் பிரபலமானவர் அர்ஜுன் தாஸ். அவருடைய வித்தியாசமான குரல் அவருக்கு மிகவும் பிளஸ் பாயின்ட்டாக அமைந்துள்ளது. 'மாஸ்டர், அநீதி, குட் பேட் அக்லி' ஆகிய படங்களில் அவருடைய நடிப்பும் பாராட்டப்பட்டது. தற்போது பவன் கல்யாண் நடித்து வரும் 'ஓஜி' தெலுங்குப் படத்தில் முக்கியக் கதாபாத்திரம் ஒன்றில் நடித்து வருகிறார்.

பவன் கல்யாண் நடித்து ஜுலை 24ல் வெளியாக உள்ள 'ஹரிஹர வீரமல்லு' படத்தின் டிரைலர் நேற்று வெளியானது. அதில் ஆரம்பத்திலேயே அர்ஜுன் தாஸின் பின்னணிக் குரல் டிரைலருக்கு ஒரு தனித்துவத்தைக் கொடுத்துள்ளது.

அது குறித்து, “பவன் கல்யாண் காரு, அவரது பட டிரைலருக்கு எனது குரலைக் கேட்கும் போது ஆம் என்றுதான் சொல்ல வேண்டும். எந்தக் கேள்வியும் கேட்கப்படவில்லை. இது உங்களுக்கானது சார்,” என அவரை 'டேக்' செய்து எக்ஸ் தளத்தில் பதிவிட்டிருந்தார்.

அதற்கு பவன் கல்யாண், “அன்பு சகோதரர், அர்ஜுன் தாஸ், நான் உங்களுக்கு நன்றியுள்ளவனாக இருக்கிறேன். மிக அரிதாகவே நான் ஒரு உதவி கேட்டேன். என் உதவியைக் கருத்தில் கொண்டதற்கு நன்றி. உங்கள் குரலில் ஒரு மேஜிக்கும், மெலடியும் இருக்கிறது,” என்று பாராட்டி நன்றி தெரிவித்துள்ளார்.

• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்

• 
  முன்னணி இயக்குனர்களின் வாட்ஸ் ஆப் குழு ‛ரெய்னா' : அர்த்தம் தெரியுமா?
• 
  இது எனக்கு புது உலகம் : முதல்முறையாக வெப்சீரிஸில் நடிக்கும் சம்யுக்தா
• 
  சிவகார்த்திகேயனின் தங்கையாக நடிக்கும் மாளவிகா மனோஜ்
• 
  தேர்தல் பிரச்சாரத்துக்கு செல்வாரா வடிவேலு
• 
  விரைவில் யூத் பட வெற்றி விழா