தக் லைப் : ஓடிடி, சாட்டிலைட் உரிமை இத்தனை கோடியா ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

16 மே, 2025 - 05:27 IST

எழுத்தின் அளவு:

மணிரத்னம் இயக்கத்தில், ஏஆர் ரஹ்மான் இசையமைப்பில், கமல்ஹாசன், சிம்பு, திரிஷா மற்றும் பலர் நடிப்பில் தயாராகி ஜுன் 5ம் தேதி வெளியாக உள்ள திரைப்படம் 'தக் லைப்'. இப்படத்திற்கான புரமோஷன் வேலைகள் ஏற்கெனவே ஆரம்பமாகிவிட்டது. நாளை இந்தப் படத்தின் டிரைலர் வெளியாக உள்ளது. அடுத்த வாரம் இசை வெளியீடு, மற்றும் இந்திய சுற்றுப்பயணம், வெளிநாட்டு சுற்றுப்பயணம் ஆகியவை நடைபெற உள்ளன.

இப்படத்திற்கான பட்ஜெட் சுமார் 300 கோடி என்று அதிகாரப்பூர்வமற்ற தகவல் கோலிவுட்டில் சுற்றிக் கொண்டிருக்கிறது. மணிரத்னம் வழக்கமாக சிக்கனமாக செலவு செய்பவர். மிதமான பட்ஜெட்டில் பிரம்மாண்டமாகப் படத்தைக் காட்டுபவர் எனப் பெயர் பெற்றவர். ஒரு கமர்ஷியல் படத்திற்கான பட்ஜெட்டாக அவருக்கு இது அதிக பட்ஜெட்தான். அவ்வளவு செலவு செய்திருந்தால் படம் மிகவும் பிரம்மாண்டமாக வந்திருக்க வாய்ப்புள்ளது.

இருந்தாலும் அதில் மூன்றில் இரண்டு பங்கு தொகையை ஓடிடி மற்றும் சாட்டிலைட் உரிமை ஆகியவற்றிலேயே எடுத்துவிட்டார்கள் என்பது தற்போதைய தகவல். இப்படத்திற்கான ஓடிடி உரிமையை கடந்த வருடமே 150 கோடிக்கு விற்றுவிட்டார்கள் என்று செய்திகள் வெளியானது. தற்போது படத்தின் சாட்டிலைட் டிவி உரிமையை 60 கோடிக்கும் கூடுதலாக விற்றுள்ளார்கள் என்று தகவல் வந்துள்ளது. இரண்டையும் சேர்த்தால் அதுவே 210 கோடி. படத்தின் பட்ஜெட்டில் மூன்றில் இரண்டு பங்கு. மேலும் தியேட்டர் உரிமையாக விற்கப்பட்ட வகையில் அவையும் 100 கோடியைக் கடந்திருக்கும் என்கிறார்கள்.

அதனால், படத்திற்காக இந்தியா டூர், வேர்ல்டு டூர் என்கிறது கோலிவுட் வட்டாரம். 500 கோடிக்கும் அதிகமாக வசூல் டார்கெட் உள்ளதாம்.

ThugLife

Kamalhaasan

OTT

Satellite Rights

கருத்துகள் (0) கருத்தைப் பதிவு செய்ய

ஸ்லிம் ரகசியத்தை கேட்டவர்களுக்கு ...

3வது வாரத்திலும் முன்னேறும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய