Dinamalar

'ஆதிபுருஷ்' படத்தை குறை சொல்லவில்லை : சைப் அலி கான்

ராமாயணக் கதையை மையமாக வைத்து ஓம் ராவத் இயக்கத்தில் பிரபாஸ், சைப் அலிகான், கிரித்தி சனோன் மற்றும் பலர் நடிப்பில் 2023ல் வெளிவந்த படம் 'ஆதிபுருஷ்'. அப்படம் சுமார் 500 கோடிக்கு மேல் செலவு செய்யப்பட்டு 'மோஷன் கேப்சரிங்' முறையில் எடுக்கப்பட்ட ஒரு திரைப்படம். படத்தின் உருவாக்கம் கடுமையான விமர்சனத்துக்கு உள்ளானது. அதனால் படம் எதிர்பார்த்த வரவேற்பையோ, வசூலையோ பெறவில்லை.

இந்நிலையில் படத்தில் ராவணன் கதாபாத்திரத்தில் நடித்த 'சைப் அலிகான் சமீபத்திய பேட்டி ஒன்றில் தனது மகன் தைமூர் படத்தைப் பார்த்த போது உடனே என்னைப் பார்த்தான். நான் என்னை மன்னித்துவிடு என்றேன், அதற்கு பரவாயில்லை என்று பதிலளித்தான் எனக் கூறியிருந்தார்.

தான் நடித்த ஒரு படத்தை இப்போது அப்படிக் குறிப்பிட்டுப் பேச வேண்டிய அவசியம் என்ன என ரசிகர்கள் சமூக வலைத்தளங்களில் சைப் அலிகானை கடுமையாகக் கிண்டலடித்தனர்.

சர்ச்சை எழுந்ததை அடுத்து சைப் அலிகான், “படத்தில் நான் வில்லனாக நடித்ததுதான் எனது மகனுக்கு அதிர்ச்சியாக இருந்தது. அதற்காகத்தான் நான் அவனிடம் மன்னிப்பு கேட்டேன். அடுத்த முறை ஹீரோவாக நடிக்க வேண்டும் என்று சொன்னான். நான் நடித்த எல்லா படத்தையுமே விரும்புகிறேன், இந்த 'ஆதிபுருஷ்' உட்பட…,” என விளக்கமளித்துள்ளார்.

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'